Kanye West ka hedhur në tokë telefonin e një paparaceje, e cila e pyeti nëse gruaja e tij Bianca Censori ka vullnet të lirë.
Incidenti u kap në video nga TMZ dhe ndodhi të hënën, kur reperi po drejtohej për në Hollywood Boulevard për një ceremoni.
Në video paparacja i afrohet Kanye nga pas dhe e pyet: “Njerëzit duan të dinë nëse Bianca ka vullnet të lirë, disa po thonë që ti e kontrollon”.
Para se ajo të mbaronte fjalën, Kanye iu kthye dhe i hodhi telefonin nga dora, por pavarësisht se ekrani u bë i zi, reperi dëgjohet në sfond teksa i bërtet: “Mos m’u drejto mua me këto idiotësi. Jam njeri edhe unë. Mos je e çmendur? Unë jam një legjendë dhe jam këtu për të mbështetur gruan time, si mund të më flasësh kështu për të?”.
Debati ka vazhduar edhe me këmbënguljen e zonjës, e cila e ka filmuar reperin gjatë gjithë kohës. Nga sa dëgjohet në video, ka pasur edhe ndërhyrje nga persona të tjerë që kanë dashur të ndalojnë acarimin e situatës.
Kanye i është drejtuar paparacit duke e detyruar të pranojë se ka bërë pyetjen e gabuar, sepse përpara ka një superhero.
Ky reagim vjen pasi u bë publik lajmi se Kanye ka ndaluar gruan e tij të përdorë rrjetet sociale, sepse do ta mbrojë. Por fansat e kanë quajtur këtë vendim “izolim” dhe “kontroll” mbi jetën e Bianca-s.
Artikuj të sugjeruar:
