Nëse ka një mënyrë për të mbajtur nën kontroll emocionet, për Khloé Kardashian është një: djersitja në stërvitje! Mjaftoi një sesion pyetje-përgjigjesh në Spanchat me ndjekësit e saj, që 39-vjeçarja të konsideronte ushtrimet në palestër si terapinë dhe mënyrën më të mirë se si e trajton ajo presionin emocional.
"Stërvitja është terapia ime," tha ajo, "Për mua, është mënyra më e mirë për të përballuar stresin."
Ajo shtoi se palestra e mban të fokusuar, si edhe të fortë fizikisht dhe mendërisht.
Ylli i reality show-t “The Kardashians” prej kohësh ka folur me zë dhe me figurë për pasionin e ri në jetën e saj, që është palestra duke ndarë njëherësh edhe këshilla për përshtatjen e një rutine stërvitjeje që të ndryshon tërësisht jetën.
Në vitin 2020, Khloé i këshilloi ndjekësit në rrjetet sociale që të vendosnin qëllime të vogla, por realiste në palestër dhe ta shpërblenin veten për arritjet e tyre.
Khloé ka folur jo pak herë edhe për problemet me ish-in e saj, Tristian Thomposon, me të cilin ka edhe dy fëmijë, e duket se çështjet private japin po kaq ndikim në emocionet dhe gjendjen e saj mendore.
Ndaj, ajo thekson se për të mbajtur nën kontroll emocionet, Khloé zgjedh ushtrimet në palestër, gjithashtu edhe një balancë me ish-in për hir të fëmijëve të tyre. "Unë dua që fëmijët e mi të kenë marrëdhënie të bukur me babanë e tyre. Nëse ata janë të bekuar që të kenë në jetë një baba që dëshiron të jetë prezent dhe të shfaqet në jetën e tyre. Pse duhet unë ta ndalojë këtë gjë?”
Artikuj të sugjeruar:
Burimi: People
