Ka vende në botë që jo vetëm mbajnë vepra me vlera të mëdha artistike dhe kulturore, por që në thelb janë thesare të vërteta. Vendndodhje unike, godina të krijuara nga arkitektë dhe dizajnerë të famshëm, këto janë pjesë e listës së muzeve më spektakolarë në botë. Po ju tregojmë këto tempuj të kulturës dhe vepra arkitekturore me një bukuri të pashoqe.
Muzeu Bauhaus Archive në Berlin është modifikuar nga projekti origjinal i Walter Gropius. Një ndër muzetë më spektakolarë në botë për t'u zbuluar në çdo detaj dhe aspekt.
Guggenheim Museum, Bilbao është një tjetër godinë që të jep idenë e një anije gjigante që reflekton dritën duke dhënë një efekt unik në pamjen e jashtme. Në ndërtesë janë përdorur panele titani të lëmuar që ngjajnë me luspat e peshkut.
Muzeu Kistefos në Oslo të Norvegjisë është një tjetër objekt që vjen si pjesë e listës së muzeve më të bukur në botë. Një ndërtesë me formë të lakuar e krijuar nga grupi danez i arkitektëve, Bjarke Ingels. Përveçse muze dhe galeri arti, kjo godinë ka edhe funksionin e urës. Lojërat argëtuese të dritës dhe reflektimit të saj e bëjnë edhe më unik dizajnin në tërësi.
View this post on Instagram
Musée Atelier Audemars Piguet në Zvicër është një tjetër ndërtesë e vendosur në zemër të Valle de Joux. Me një formë spirale që simbolizon historinë e kompanisë dhe origjinën e kësaj zone, ky muze është goxha i veçantë.
Nuk mund të harrohet Italia, për muzetë e bukur. Muzeu Messner Mountain Corones është një vepër arkitekturore që përzihet mjeshtërisht me mjedisin përreth. E ndërtuar brenda një mali shkëmbor që garanton një pamje fantastike të Dolomiteve nga çdo kënd i mundshëm, kjo kryevepër nga Zaha Hadid është një tjetër simbol i ekselencës italiane.
Këto janë vetëm disa nga muzetë me bukuri të rrallë, e nëse mendoni të bëni udhëtimin e radhës, vizita në një nga këto muze mund të jetë një eksperiencë e paharruar për ju.
Artikuj të sugjeruar:
Burimi: Elle
