Ilir Shaqiri ka ironizuar përmes postimeve në Instastory debatin që duket se s’po merr fund mes Egla Cenos dhe Julian Dedës, të cilët prej ditësh diskutojnë për të mbathurat.
 
Fituesi i edicionit të parë të “BBVA”, ka publikuar së pari një foto, në të cilët shihet se kërkon në fjalor fjalën “brekët”. Duke qenë se nuk del asnjë rezultat, Iliri pyet njerëzit në një poll nëse termi i përket gjinisë femërore apo mashkullore.

 
Më pas, ai publikoi edhe një foto tjetër, me një gif me të mbathura, ku në sfond duket se është duke ndjekur “BBVA 3”. “Banori i 28-të i shtëpisë”, shkruan Iliri, referuar të mbathurave.

 
Debati mes Eglës dhe Julianit ka nisur që në ditët e para të fillimit të spektaklit dhe ndonëse është diskutuar mijëra herë, sërish nuk është gjetur një zgjidhje për të. 

Sa i përket Ilirit, ai ka folur edhe më parë për "BBVA 3", duke treguar se kush janë finalistët sipas tij. "Unë e kam të qartë kush do të ketë një lloj fërkimi shumë të fortë, sepse i njoh që të dy dhe e di që të dy do të luftojnë shumë fort për të arritur finale dhe për të fituar”, duke përmendur Romeo Veshajn dhe Julian Dedën, në një intervistë virtuale në "Pardon My French".