Shumica e njerëzve në #BeautyTok e kalojnë kohën duke u përpjekur për të zotëruar tendencat e reja, ndaj, përgatitu, sepse në vitin 2024 do të shohësh tonalitete të ngjyrës blu, më shumë se kurrë.
Gocat e famshme e kanë përqafuar direkt ngjyrën blu: Hailey Bieber, së fundmi plotësoi grimin e saj me tonet e blusë së oqeanit te sytë, Selena Gomez zgjodhi një pigment blu të akullt, ndërsa Zendaya prezantoi tendencën më të re të blusë tek thonjtë.
Për këtë, ka një arsye psikologjike
Sipas parashikimeve të Pinterest, kërkimet për "estetikën e rimelit blu" (deri në 65%), "thonjtë argëtues blu" (deri në 260%) dhe "pamje të grimit të kaltër" (deri 100%) kanë pësuar goxha rritje. Constance Hart, një eksperte e terapisë së ngjyrave thotë se bluja është zakonisht një ngjyrë qetësuese. Ndaj, efektet e saj ndihen direkt në përmirësimin e humorit, kjo në varësit të tonit të blusë që zgjidhni. Bluja e zbehtë është më paqësore dhe qetësuese, ndërsa ajo e ftohta është më e guximshme.
Bluja klasike është ngulitur në mendjen tonë si një ngjyrë relaksuese që sjell një ndjenjë paqeje dhe qetësie te njerëzit, ndaj kjo është arsyeja kryesore pse me gjasë këtë tonalitet do e shihni kudo gjatë këtij viti.
Ja dhe disa ide se si ta çosh në një tjetër nivel look-un tënd, me ngjyrën më in të 2024-ës:
Nuancë turkeze për buzët
Make up me të gjitha tonet e blusë
E gjithë bluja në thonjtë tuaj
Fjongo dhe aksesorë për flokët
