Kanye West nuk ndalon me kërkesat për falje ndaj hebrenjve. Burime të drejtpërdrejta me reperin kanë zbuluar për TMZ se ai ka paguar disa djem për të filmuar një video të gjatë ku kërkon sërish ndjesë ndaj komunitetit. Sipas po të njëjtit burim, video është 40 minuta dhe Ye flet gjatë gjithë kohës përballë kamerës.
Në informacionet e sigurara, thuhet se gjatë videos në fjalë reperi herë pas here nuk kuptohet çfarë flet dhe ka sekuenca ku duket sikur belbëzon.
Video mund të publikohet së shpejti, konkretisht flitet se do të dalë para datës 9 shkurt, kur Ye ka deklaruar se do publikojë albimin e ri të titulluar “Vultures”.
Kujtojmë se Kanye West i ka kërkuar javë më parë ndjesë hebrenjve për komentet e tij anti-semike. Asokohe ai publikoi një postim në Instagram, shkruar në hebraisht, ku kërkonte falje për “shpërthimet e tij” dhe dhimbjen që i ka shkaktuar komunitetit, por ky postim u fshi më vonë.
Në fillim të dhjetorit, Kanye nxiti debate me detajet që tregoi nga albumi i tij i ri, ku në regjistrim dëgjoheshin vargjet: “Unë ende mbaj ca hebrenj pas vetes/ Për menaxhim?/ Jo, i lejoj të më krijojnë bizhuteritë”. Më pas, u shpreh: “Si mund të jem anti-hebre? Unë bëra seks me një k*rvë të komunitetit hebre”.
