Të pirit të një gote me lëng frutash 100% të pastër çdo ditë është parë si ndikues i drejtpërdrejtë në shtimin në peshë të fëmijëve dhe të rriturve. Ky konkluzion erdhi pas një analize të bërë ndaj disa studimeve më të hershme për këtë temë.
“Një problem i rëndësishëm me lëngjet është sasia. Të konsumuarit fruta me atë formë e bën shumë të lehtë të kalosh në ‘overdozë”, tha bashkëautori dhe drejtuesi i studimit nurticionist Dr. Walter Willett. “Për shembull, sa herë të ndodh të hash 3 portokalle? Ama një gotë që është bërë nga tre portokalle e pi brenda 2 minutash dhe mund të pish akoma më shumë pa marrë parasysh se po e çon në stratosferë glukozën në gjak”, shpjegon Willett.
Me kalimin e kohës shumë sheqer në gjak mund të çojë në diabet, prirje për sëmundje të zemrës, obezitet dhe të tjera sëmundje kronike, thonë ekspertët.
Me shqetësimin e shtuar për rritjen e fëmijëve që shfaqin obezitet dhe kavitete dentare, këshillohet që prindërit të shmangin lëngjet totalisht për fëmijët nën 1 vjeç dhe të ketë limitime për ata që janë nga 1 deri në 6 vjeç.
Sipas studiesve nuk ka asnjë arsye të fortë që t’i japësh fëmijës lëng në vend të një fruti të plotë, përveçse kur fëmija nuk i do fruta natyrale.
Sa i përket adoleshentëve dhe të rriturve, asnjë prej tyre nuk duhet të pijë më shumë se një gotë lëng në ditë.
