Izraeli dhe Hamasi bien dakord për të dërguar ilaçe për pengjet dhe civilët e Gazës

Dërgesat e barnave për pengjet izraelitë dhe civilët palestinezë pritet të fillojnë të mbërrijnë në Gaza të mërkurën sipas një marrëveshjeje të ndërmjetësuar nga Katari dhe Franca.

Militantët morën rreth 250 pengje gjatë sulmeve të përgjakshme të 7 tetorit që nisën luftën, dhe rreth 132 janë ende në Gaza, duke përfshirë të paktën 27 që besohet se janë vrarë.

Në një deklaratë për Agjencinë zyrtare të Lajmeve të Katarit (QNA), Doha të martën njoftoi për marrëveshjen "midis Izraelit dhe [Hamasit], ku ilaçet së bashku me ndihmat e tjera humanitare do t'u dërgohen civilëve në Gaza, në këmbim të shpërndarjes së ilaçeve të nevojshme për robërit izraelitë në Gaza”.

“Franca të qëndrojë në Francë”, thotë Macron, teksa parashtron vizionin për të kundërshtuar të djathtën ekstreme

Emmanuel Macron dëshiron të ndryshojë kohën që fëmijët francezë shpenzojnë para ekranit, të testojë uniformën e shkollës së detyrueshme dhe nuk është kundër që të gjithë nxënësit e shkollave fillore duhet të mësojnë himnin kombëtar, ka thënë ai në një konferencë shtypi, duke premtuar një Francë me "mendje të shëndoshë".

Presidenti francez, i cili po përpiqet të kufizojë përfitimet e mundshme të së djathtës ekstreme në zgjedhjet europiane, parashtroi vizionin e tij për vitet e ardhshme duke u përqendruar te ligji dhe rendi, arsimi dhe politikat pro-biznesit, disa ditë pasi emëroi kryeministrin më të ri të Francës, Gabriel Attal.

Taksoni pasurinë tonë, u thonë politikanëve super të pasurit

Më shumë se 250 miliarderë dhe milionerë po kërkojnë që takimi i elitës politike për Forumin Ekonomik Botëror në Davos të vendosë taksa mbi pasurinë për të ndihmuar shërbimet publike më të mira në mbarë botën.

“Kërkesa jonë është e thjeshtë: ju kërkojmë të na taksoni ne, më të pasurit në shoqëri," thanë njerëzit e pasur në një letër të hapur drejtuar liderëve botërorë. “Kjo nuk do të ndryshojë rrënjësisht standardin tonë të jetesës, as nuk do të privojë fëmijët tanë, as nuk do të dëmtojë rritjen ekonomike të kombeve tona. Por ajo do ta kthejë pasurinë private ekstreme dhe joproduktive në një investim për të ardhmen tonë të përbashkët demokratike.”

Krizat i kanë ndarë votuesit eeropianë në pesë ‘fise’, sugjeron sondazhi

Votuesit e Europës nuk janë më të ndarë në kampe të majta apo të djathta, pro ose kundër BE-së, sugjeron një sondazh, por në pesë fise të veçanta, shqetësimet konfliktuale të të cilëve ka të ngjarë të dominojnë gati 20 zgjedhje në të gjithë kontinentin këtë vit.

Qëndrimet ndaj klimës, migracionit, trazirave ekonomike globale, Ukraina dhe Covid do të mbizotërojnë zgjedhjet e këtij viti, tregon hulumtimi. 

Autorët e raportit argumentojnë se të pesë këto kriza “u ndjenë në të gjithë Europën, edhe pse me intensitete të ndryshme në cepa të ndryshme të kontinentit."