Madonna e nisi koncertin e saj të radhës në Toronto me një gafë nga ato të mëdhatë. Sapo hyri në skenë përshëndeti fansat, por ngatërrroi emrin e qytetit ku ndodhej. “A është gati Bostoni?” tha ajo dhe fansat nuk reaguan.

Sigurisht, situatën e mori menjëherë në dorë dhe nisi të korigjojë veten, para se heshtja në sallë të thellohej. “A jeni me nerva sepse ngatërrova emrin e qytetit? Më falni! Çfarë dreqin ishte kjo”, tha Madonna më tej.

Fansat mesa u kuptua nga video virale e shpërndarë në TikTok e morën me shaka të gjithë situatën, sidomos pas batutave që pasuan.

“E imagjinoni dot të hyja unë në skenë dhe ju të më thërrisnit Lady Gaga. Nuk do më pëlqente aspak. Jo se kam gjë me Lady Gaga-n. E dua shumë. Seriozisht,” vazhdoi ajo monologun para fansave. Dhe në fund për t’i vënë vulën gjithë situatës bëri një shaka me pamjen e koleges. “Unë i dua të gjithë ata që janë më të shkurtër se unë!".

Fansat e duartrokitën, e vazhduan të këndojnë bashkë me të pas situatës së sikletshme dhe siç duket reagimet qenë përgjithsisht pozitive.

Madonna ka muaj që është në tur. Ky ishte koncerti i dytë brenda javës në Toronto, ndërsa para se të shkonte në Kanada, ajo performoi në Boston.