Me pamjen e saj ikonike dhe elegancën, Julia Roberts u shfaq në kopertinën e British Vogue për muajin shkurt me një intervistë të rrallë, ku personi që e merrte në pyetje ishte skenaristi i “Notting Hill”, Richard Curtis. Ndër të tjera Julia iu përgjigj pyetjes që kanë edhe fansat e saj: Si ia del të jesh kaq në formë dhe rinore?

“Genet e mira dhe të pasurit një jetë që të përmbush, por siç kam thënë edhe herë të tjera si me shaka, unë vërtet besoj se dashuria e një burri të mirë të ndihmon shumë”, u shpreh ajo. “Unë besoj se bashkëshorti im më do dhe kujdeset në një mënyrë që më bën të ndihem shumë e lumtur dhe kur dikush është i lumtur nuk ka rëndësi si duket.”

Ndër të tjera Julia Roberts preku edhe temën shumë të debatueshme për nudizmin në filma. Ajo pranoi se ka zgjedhur të mos dalë kurrë nudo në rolet e saj apo shfaqjet e tjera publike, sepse nuk ka dashur të vendosë veten në një situatë që do e bënte të ndihej e rënduar emocionalisht.

Julia Roberts është e martuar me kameramanin Daniel Moder që prej vititi 2002 dhe kanë bashkë tre fëmijë.