Emily Blunt është shfaqur në “The Late Show With Stephen Colbert” me një kostum të bukur, të prerë në pjesën e brinjëve, i cili dukej goxha elegant. Megjithatë, diku e pamë dhe ishte pikërisht i njëjti kostum me atë të Lenny Kravitz në Golden Globes.
Ylli i “Oppenheimer” tha se po, e kishte parë që këngëtari 59-vjeçar e kishte veshur më parë kostumin, por vendosi gjithsesi ta vishte në program.
Kostumi është krijuar nga Alexander McQueen dhe duket një yll. Ndërsa moderatori e komplimentoi Blunt për veshjen, aktorja tha se nuk ishte e para që e vishte, duke treguar një foto të Lenny Kravitz me të njëjtin kostum në eventin e Golden Globes 2024.
“E pashë Lenny-n me këtë kostum në Golden Globes. Unë e kisha planifikuar për ta veshur në këtë show dhe mendova: “E di çfarë? Do e vesh gjithsesi”.
Nuk ka rëndësi kush e veshi i pari, sërish të dy duken yje!
Artikuj të sugjeruar:
