Shënim: Ky artikull përmban rrëfime që mund të jenë emocionalisht shqetësuese për disa individë.

Mjaftoi një pyetësor në faqen e Instagramit të Anabel që shqiptarët të rrëfenin vendimet më të vështira që kanë ndërmarrë në situatat e dëshpërimit. Të gjithëve na ndodh të kalojmë çaste ku gjithçka duket bardh e zi apo pa shpresë, por “filtrat” emocional dhe mënyra si e trajtojmë mërzitjen shpesh çojnë në qasje të ndryshme vendimmarrjeje.

Kjo është një përmbledhje e historive të treguara virtualisht nga ata që kanë zgjedhur t’i bëjnë publike momentet e vështira me ndjekësit e Anabel. Tentativa vetëvrasjesh, vjedhje e një miku/eje, depresion post partum, zhgënjime në çështjet e zemrës, këto janë vetëm disa nga pikat kulmore të këtyre rrëfimeve.

Një përmbledhje të plotë, e keni si më poshtë:  

1.       “Shkoj me lekë për të paguar kimioterapinë e mamit dhe e kam shpirtin copë. Por, nuk kam zgjidhje tjetër”

2.       “Jam nënë e vetme. Ju blej fëmijëve të mi rroba të përdorura, i laj dhe u them që i kam blerë te reja. Shumë rrallë u blej veshje të papërdorura, përveç atleteve. Ata po rriten dhe kanë filluar ta kuptojnë që i gënjej, por nuk shprehen”

3.       “Kam shitur varësen e floririt për të blerë qumështin e djalit”

4.       “Kam vjedhur para në shtëpi dhe ia kam dhënë ish të dashurit sepse po kaloja një periudhë të keqe dhe ai më bënte presion se do të ndaheshim”

5.       “Isha vetëm, as të dashur, as familjarë afër, as miq. Kisha probleme ekonomike dhe fillova të pija alkool në shtëpi dhe vetëm qaja. Fillova nga pak, derisa nuk po kontrolloja dot më veten. Flija me çuna të ndryshëm që i gjeja rastësisht në aplikacionin Tinder. Asgjë nuk më kënaqte dhe përmbushte. Dy muaj kjo gjendje”

6.       “Kam shkuar me një burrë të martuar! Bankier që bënte super seks! Isha studente dhe më duheshin lekë për të paguar universitetin, 30 mijë euro. M’i dha lekët, shijonim shumë seksin edhe kohën që kalonim bashkë, por ky sekret do vdes me ne!”

7.       “Dëshpërimi shpirtëror më ka shtyrë drejt kirurgjisë plastike. Jeta nuk është dhe aq e bukur kur ke komplekse inferioriteti në pamje”

8.       “I kam marrë 500 euro një shoqeje nga çanta. E dini sa lekë i jepnin ata të shtëpisë? S'do e ketë vënë re fare besoj”

9.       “Mbaj një mashkull rreth vetes se më ka dhënë goxha lekë për 5-6 muaj, gati 30 mijë euro. As më ka puthur, as më ka prekur fare. Ndonjëherë ndihem keq, po ai më thotë shpesh që është mirënjohës që vetëm flasim, nuk kërkon më shumë. Një ditë do të bëhesh nusja ime, më thotë”

10.   “Të marr vajzën dhe të vras veten bashkë me të. E kam menduar, por nuk kam gjetur kohën pasi e angazhoja veten gjithmonë me projekte dhe gjëra të reja”

11.   “Kam vjedhur para tek gjyshja, në pamundësi për t’u ushqyer e për të shkuar në shkollë sepse vëllai ishte në shkollë si unë, mamanë e humbëm dhe babi u kthye në alkoolist e s’kishim as të hanim...Më vjen turp, por s’kisha çfarë të bëja se isha nën 16 vjeçe”

12.   “30 vjeç, sapo isha ndare nga një lidhje gati 10-vjeçare, pa pune, depresion, nuk kisha lekë për cigare dhe dilja çdo mëngjes mblidhja mbushës– cigaresh në rrugë. Tani kam familjen time, super punë, çdo gjë për të cilën i jam lutur Zotit. Cigaren e kam lënë, ish-in as e çoj në mend”

13.   “Kam lënë shefin të më ngacmojë, isha e detyruar, ai vazhdon akoma dhe sot. Nuk di si të largohem, rrethanat janë shumë të vështira. Më duhet ndihmë si të dal nga kjo situatë”

14.   “Kur isha në gjimnaz, nuk kisha shumë lekë dhe më kishte marrë aq shumë uria sa kam ngrënë një sanduiç të ngelur e të kafshuar nën një bankë. S’e di sa ditë kishte aty. Një herë tjetër i kam vjedhur celularin dy shokëve, të cilët i kisha shokë shumë të mirë dhe akoma e kam peng në ndërgjegje!”

15.   “Duke shkuar në punë me makinë, kam tentuar të vras veten. Por, nuk e realizova. Ashtu duke qarë shkova te doktoresha. Tani kur e kujtoj them nuk isha unë! S’do ta bëja kurrë! Kërkoni ndihmë nëse nuk shihni shpresë! Gjithmonë ka shpresë!”

16.   “Jam nje "Bedrie" (Bedrie Loku që u vetëvra në një fshat të Durrësit) me pak më shumë fat, e ngecur në jetë, e pamundur të ndryshoj gjërat. Më ka tronditur shumë ngjarja dhe duket sikur e përjetoj unë makthin. Mbase gjen prehje në parajsë”

17.   “Punova online me video dhe telefonata erotike në shtetin ku shkova për të studiuar, pastaj lashë dhe shkollën. Të gjithë do shokoheshin po ta dinin, kam qenë studente e shkëlqyer, 'vajza e mirë' gjithë jetën. Por, kisha përjetuar dhunë ekstreme, që më çoi në depresion të thellë dhe mendime vetëvrasëse. Me pak fjalë, e djallosa jetën time”

18.   “Kam pirë dy pako paracetamol (20 copë) se doja të vdisja, depresion post partum. Kur mblodha veten dhe shihja djemtë e mi të sapolindur që qanin, thashë çfarë bëra. E di vetëm burri im! Shkuam urgjent në spital dhe më bën lavazh. Kur e mendoj tani, më vjen turp nga vetja”

19.   “Të merrem me drogë, ndërsa kam frikë ditë pas dite mos kapem. Turp i madh! Jam edhe vajzë, dua të heq dorë, po dua të arrij ca gjëra e pastaj të filloj jetë të re”

20.   “Jam martuar me dikë që kisha vetëm pak kohë që e njihja dhe nga dëshpërimi shpirtëror dhe fanatizmi i familjes më detyruan të martohesha në mënyrë që të ikja nga aty. Sot mbas dy vitesh, jam me një foshnje gjashtë muajshe”

21.   “Kam qenë e vogël, rreth 13-14 vjeçe, babai i alkoolizuar shkaktonte shumë debate. Sa herë vija nga shkolla dridhesha gjithë kohës. Kam përzier gjashtë paracetamol në shampo, dhe i piva. Mendova të vdisja. Sot, qesh kur e mendoj. E ndjej veten të fortë, as që e mendoj sot(23 vjeçe)”

22.   “Kur kam qenë 14 vjeçe, kam bërë seks oral me një burrë 60 vjeç për 100 mijë lekë. Ishim pa bukë dhe i thashë mamit që i gjeta në rrugë”

23.   “Nga dëshpërimi emocional kam pasur rreth 30 partnerë seksualë në 10 vite”

24.   “Kam marrë kredi kur kam lënë punën dhe nuk i kam treguar akoma sot e kësaj dite familjes”

25.   “Kam pasur mamin sëmurë në kohën që u njoha me një djalë. Ai më foli për jetën e tij dhe më tha që ishte në gjendje të mirë ekonomike dhe unë mendova të fejohem direkt për të ndihmuar familjen, por pa dëshirën time. Nuk jam krenare për këtë vendim”

26.   “Pas një gjendjeje jo të mirë shpirtërore, kisha vendosur të vrisja djalin 3 vjeç dhe pastaj veten. Në momentin që po mbysja djalin, nuk me linin sytë e tij të pafajshëm që më shikonin me dashuri sikur po lozja me të...Aty nuk munda dot! Kanë kaluar pesë vite dhe është një imazh që s’do më ikë gjithë jetën”

27.   “Në moshën 14-15 vjeçe kam tentuar të vras veten sepse u gjenda në një situatë shumë toksike nga mami dhe fisi. Mami nuk më kuptonte, më rrihte, më ofendonte dhe kur më shihte bënte një fytyrë urrejtjeje si të mos isha fëmija i saj. Isha e izoluar pa kontakt me shoqërinë sepse as nuk më linte të dilja dhe të kisha telefon”

28.   “I vodha një çantë firmato dikujt (kishte 200 e as i përdorte, plus më kishte lekë borxh që si dha kurrë!) Dua ta shes se më duhen lekët e sa herë e shikoj, mendoj çfarë ka për të më bërë karma. Kam menduar dhe ta dhuroj, ndoshta me lehtësohet ndërgjegjja”

29.   “Fitova bursë 50% në shkollë private, ndërsa prindërve u merrja lekët e plota të pagesës. Më vret ndërgjegjja që e kam bërë”

30.   “Shkova punova për një ditë me këto shoqatat që kërkojnë ndihma për fëmijë të sëmurë nëpër fshatra. Më kalonte në mendje që mund të mashtronin, por prapë e mora angazhimin.  Ditën që isha me ta u binda që mashtronin, nuk shkova më, por ndjenja e fajit është shumë e madhe”

31.   “Jam ndarë nga ish-i sepse ndihesha shumë inferiore ekonomikisht. Më vinte turp për rrobat që vishja gjithë jetën time. U largova prej tij dhe ai kurrë nuk e kuptoi arsyen. Mua thjesht më vinte shumë turp dhe e dija që s’do më kuptonte kurrë po t’ja thosha. Djalë babi me shumë lekë”

32.   “Shkolla që po ndjek aktualisht më ka dalë jashtë kontrollit dhe pritshmërive. Kur e kuptova që s’jam për këtë gjë, ishte shumë vonë. Tani mezi po mbledh forcat për ta mbyllur. Nuk e di, a jam e vetmja!”

33.   “Për faktin që kam prerë damarët sepse isha vetëm në atë kohë, s’kisha asnjë nga familja edhe fisin e kisha vetëm për fjalë.

34.   “Për shkak të debateve familjare nga babai im i alkoolizuar kam prerë damarët në sy të prindërve të mi. Akoma i kam shenjat, por tani jam më mirë larg familjes”

35.   “Jam duke pirë qetësues shumë të fortë për shkak të marrëdhënies toksike me time motër (mamaja ime është në dijeni dhe e lejon që kjo situatë të ndodh)

36.   “Im shoq është droguar rëndë pas humbjes së të vëllait të tij. Unë e zbulova pak muaj pasi e bënte këtë çdo natë. Duke e njohur dhe nga dëshira e madhe që kisha për të mos e humbur vendosa ta nxjerr nga kjo humnerës. Është luftë që s’mbaron. Nga dëshpërimi e kam spiunuar nga vrima e çelësit në tualet. E kam ndjekur ngado, i kam kontrolluar imtësisht telefonin, fshirë numra shpërndarësish, shkuar nëpër spitale, serume, ulërima, falje, na ka lënë pa asnjë lekë në xhep. Luftohet ende sot, ama e ka mbledhur mendjen për momentin. Kur të kthjellohet nuk do ta spiunoj më dhe dashtë Zoti të fle e qetë një natë”

37.   “Kam lënë shefin të më ngacmojë, isha e detyruar. Ai vazhdon akoma edhe sot. Nuk di si të largohem, rrethanat janë shumë të vështira. Më duhet ndihmë si të dalë nga kjo situatë”

38.   “Kam shitur veshkën për të paguar operimin e motrës sime, askush nuk e di. E kam mbuluar vendin e ndërhyrjes me tatuazh”

39.   “Hapa llogari në only fans, ndërkohë që isha në një lidhje doja vëmendje dhe lekë. Ai e mori vesh dhe u ndamë (të paktën kam akoma para)

40.   “Po ndahesha nga bashkëshorti, kemi një vajzë bashkë dhe i shkrova ish-it të më ndihmonte. Është njeriu vetëm që mund t’i besoja në ato momente. Ai është me dikë tjetër, ndërkohë çdo gjë është në rregull, nuk pati ribashkim. Por, këtë sekret do e marrë me vete gjithmonë”

41.   “Isha diplomuar në Shqipëri dhe në emigrim për shkak të gjuhës u detyrova të bëja punë si pastrim shtëpish, hotele, kujdestare për pleq...Mbaj mend, qaja çdo natë. Ika nga gjithë të mirat që kisha në Shqipëri, u martova vetëm që të isha me të. Vajza, shkolla mbi të gjitha!”

42.   “Kapa një sugar daddy vëllanë e të dashurit, isha e rrënuar ekonomikisht. Me të dashurin nuk njihesha akoma. Kam kuptuar që e urrejnë njëri-tjetrin, nga halli kam marrëdhënie profesionale me të dy dhe nuk i anashkaloj dot. E dua shumë të dashurin, tani kam frikë se mund t’i tregojë. Agoni e përditshme...”

43.   “Kam gënjyer shtetin këtu ku jam për dokumente. Ishin gënjeshtra që ata s’kishin si t’i vërtetonin, jo gjoja nuk flas me të shtëpisë, më kanë përdorur njerëz për disa muaj. I mora letrat pas tri vitesh, tani vij në Shqipëri sa herë të dua”

44.   “I kam shpëtuar një përdhunimi nga një shok në mes të malit ku më ndihmoi një bari pasi vrapova. Shpëtova, por ai vazhdonte të përndiqte. Nuk kam dalë nga shtëpia për një muaj dhe kam tentuar me dhjetëra herë të hidhem nga kati i pestë. Sot, qaj sa herë e kujtoj”

45.   “Mami im ishte shumë sëmurë dhe nuk kishte para të vizitoheshe. Unë (e martuar) pasi burri nuk me lejoj t’i jepja lekët u detyrova t’i kërkoja pronarit lekë borxh për të shpëtuar mamin. Pas asaj dite bisedat me pronarin më bën të bija në dashuri me pronarin dhe ai me mua. Tani jam martuar me pronarin”

46.   “Kam shkuar me partnerë rastësorë. Një natë me dy persona njëri pas tjetrit. Ishte interesante për periudhën, kushtet, etj”

47.   “Jam e martuar me shkuesi. Burri nuk më do dhe më ka tradhtuar disa herë. E kam falur për pesë vite. Tani kam krijuar një lidhje sekrete shumë të bukur dhe shumë pasionante me dikë tjetër, i cili është i martuar. Duhemi shumë, por e pamundur të jemi bashkë. Burrit tani po i hy në sy unë, por unë s’kam më asnjë ndjenjë”

48.   “Që të mos mendonte që nuk e pëlqeja fjeta me të kur nuk e ndjeja”

49.   “Para 10 viteve kur isha vetëm 25 vjeç u detyrova të heq fëmijën tim. Nga ai moment jeta ime mori një tjetër drejtim. Ndihem bosh dhe aspak e kënaqur pavarësisht çdo suksesi në jetë. Nuk e di askush përveç ish-it.

50.   “Të iki nga Shqipëria! Ndërkohë, që të gjithë na dinin në gjendje, ne u zhytëm në borxhe duke u përpjekur të mbanim në këmbë biznesin (ëndrra e tim shoqi)

51.   “Kur erdha për të jetuar në Gjermani, kisha një të dashur 20 vite më të madh. Për një muaj e lashë se ma neveriti. Ndonëse kisha pesë mijë euro borxh, por që i pagova vetë. Nuk rrihet me dikë vetëm për interes”

Shënim: Nëse ju ose dikush që njihni po përballeni me mendime vetëvrasëse, është e rëndësishme të kërkoni ndihmë. Mos harroni, të kërkosh ndihmë, është forcë, jo dobësi. Kontaktoni me një mik të besueshëm, familjar ose profesionist të shëndetit mendor. Së bashku, ne mund të largojmë stigmën që rrethon shëndetin mendor dhe të punojmë drejt një të ardhme, ku të gjithë ndjehen të kuptuar, të mbështetur dhe vlerësuar. Ju nuk jeni vetëm.