E keni vënë re sa lehtë flitet për Taylor edhe kur tema nuk e përfshin fare? Si fillim duhet theksuar se Taylor është gjithandej. Në media, në evente, në televizion, në stadiumet dhe sallat më të mëdha të koncerteve në botë, emri i saj shfaqet edhe kur nuk është fizikisht aty.
Ajo që habit shumicën e njerëzve është fakti që Taylor përmendet edhe kur tema nuk lidhet me të drejtpërdrejt. Por pse ndodh kjo?
Bond Benton, profesor i komunikimt dhe medias në Montclair State University ka studiuar pikërisht efektin që ka përmendja e emrit të Swift në media.
Vetëm fakti që është bërë një studim për këtë çështje mbështet fort fuqinë që ka figura e këngëtares me famë botërore. “Prezenca e Taylor në çdo material publik rrit ndjeshëm interesin,” shkruan në studim Benton.
Shembull: Në shtator, CBS News ka publikuar një artikull mbi Travis Kelce, asokohe i dyshuar si partneri i ri i Taylor Swift. Artikulli kishte të përmendur në titull emrin e këngëtares dhe vetëm dy herë në tekst pavarsisht se ajo nuk kishte asnjë lidhje direkte me artikullin. Ky shkrim mori rreth 3 milionë shikime vetëm në platformën X.
“Sipas raportimeve, 2.8 milionë shikime ishin tërhequr nga përmendja e Swift, ndërsa pjesa tjetër kishin interes për temën specifike,” shprehet Benton.
Sipas tij, Taylor ka aftësinë të bëjë bashkë dashamirësit dhe personat që nuk e pëlqejnë dhe të hapë debate të forta mes tyre.
Emri i Swift ka përfunduar edhe në vendet më të çuditshme, si për shembull, në promovimin e një salce të re nga kompania Henz.
Një nga fansat e saj ishte shprehur në X, se Taylor ishte parë duke ngrënë me këtë salcë dhe aq u desh që kompania të kishte rritje të shitjeve, pavarsisht se nuk u vërtetua kurrë nëse Taylor kishte ngrënë vërtet prej tyre.
Pra, të gjithë po përfitojnë në mënyra të ndryshme nga suksesi i jashtëzakonshëm i Swift dhe turit të saj që ka kaluar çdo parashikim në aspekte financiare dhe jo vetëm.
Edhe kur Taylor ka mbështetur partnerin e saj në ndeshjet e basketbollit, mimikat ose prania e saj janë bërë temë bisede edhe në konferencën për shtyp para dhe pas ndeshjes.
