Ditët e para të 2024-ës po ikin bashkë me premtimet ndaj vetes për të nisur palestrën. Për ju që e nisët: Urime! Për të tjerët që akoma nuk e kanë marrë guximin, kemi 3 mënyra sesi mund ta bësh veten të dojë të çohet nga krevati.

Bëj një xhiro në park

Të ecurit i bën trupit efekt aq shumë saqë mund të shmangësh një listë të gjatë sëmundjesh vetëm duke bërë shëtitje. Dhe meqë ecja është proces i lehtë dhe familjar për këdo, mund të bëhet edhe fillimi i mbarë i përmirësimit të shëndetit fizik.

Mos ndrysho rutinën, përfito nga çdo proces i përditshëm për të bërë aktivitet

Edhe punët e shtëpisë të ndihmojnë të harxhosh kalori. Po ashtu edhe ngritja e peshave verdallë për të sistemuar vendin ku qëndron më gjatë. Ajo që mund të bësh është të tregosh kujdes për të shmangur dëmtimet dhe të levizësh trupin sa më shumë nëpër shtëpi.

Nëse nuk të pëlqen të shkosh në palestër, improvizo në shtëpi

Hapi i tretë, kur e ndjen se je gati për nivelin tjetër është të marrësh disa nga paisjet bazë të stërvitjes. Vishu fiks sikur je nisur për në palestër dhe përqendrohu.