Gypsy Rose Blanchard u lirua nga burgu më 28 dhjetor 2023 dhe që prej asaj kohe po tërheq një vëmendje të jashtëzakonshme. Tanimë, shtëpia e saj në Missouri, ku Gypsy jetoi dhe e ëma e saj Dee Dee Blanchard u vra në vitin 2015, po vizitohet gjithnjë e më shumë nga turistët dhe njerëzit që adhurojnë historitë paranormale.
Sipas fqinjëve, shumë makina dhe njerëz ndalojnë, bëjnë foto dhe zhurmë para shtëpisë. Pasi Gypsy dhe ish-i dashuri i saj u dënuan, shtëpia u lye me ngyrë blu (nga rozë që ishte më parë) dhe turistët pyesin fqinjët përreth për vendndodhjen e saktë të shtëpisë. Kjo, ka sjellë acarimin te banorët e zonës.

Një prej fqinjëve tha për TMZ se kanë refuzuar që të ndihmojnë turistët ta gjejnë shtëpinë në respekt të banorëve që jetojnë tanimë në ish-shtëpinë e Gypsy-t. Banorët u shprehën të irrituar me trafikun që krijohet në rrugën e tyre të përbashkët. Irritimi i tyre kapi pikën më të lartë kur qarkulloi një video në TikTok, ku dy gra kërkonin për të parë aktivitet paranormal në shtëpi. Disa prej komentuesve thanë se ata e kuptonë që shtëpia ndoshta mbart një energji të errët rreth saj.
@twinvestigators this was so crazy, an unreal experience #ghosthunting #paranormalinvestigation #springfieldmo #springfieldmissouri #gypsyrose #gypsyroseblanchard #deedeeblanchard #deedeeblanchardcase #gypsyroseblanchardcase #gypsyrosecase #gypsyrosehouse #gypsyroseedit #gypsyrosereleasedate #spiritboxsession #emfmeter ? milk cassette x.mp3 (demo) (slowed + reverb) - analog_mannequin
Të tjerët u shprehën se kjo është mungesë respekti për Gypsy-n dhe për banorët e shtëpisë dhe se njerëzit duhet ta ndalojnë gjithë këtë “përndjekje”.
Ndërsa Gypsy ka dalë nga burgu, ajo po mendon të krijojë familje me bashkëshortin e saj, Ryan Anderson, me të cilin u njoh gjatë qëndrimit në qeli. Gypsy u shpreh se mbi 250 burra nga e gjithë bota i kanë shkruar për të krijuar një lidhje me të, ndërsa ajo ishte pas hekurave.
Artikuj të sugjeruar: