Vështrim i përgjithshëm
Ndjesë të dashur Peshq, por zakonet tuaja të këqija do të jenë mjaft probleme. Për këtë mund të fajësoni Plutonin në shtëpinë tuaj të 12. Është momenti kur duhet të “pastroheni” nga zakonet e së shkuarës dhe të përqafoni një rutinë më të shëndetshme në jetën tuaj. Lajmi i mirë është se me kalimin e kohës, instinktivisht do të shkoni drejt zakoneve të mira.
Romanca dhe seksi
Bisha brenda jush do të çlirohet duke nisur që nga 21 janari. Do ta lejoni veten që të jeni më të sinqertë mbi dëshirat dhe interesat që lidhen me seksin. Gjatë këtij viti do ta njihni më shumë veten dhe pasionet tuaja, gjërat që ju eksitojnë dhe do të keni dëshirën e madhe që të eksploroni me trupin tuaj dhe të partnerit/ëve.
Financat dhe karriera
Kemi një këshillë falas: Kërkoni për rritje rroge rreth datës 8 prill, kur ndodh eklipsi. Kur Jupiteri hyn te Binjakët në maj, do ta keni paksa të vështirë që të punoni në projektet që do të keni përballë. Bëni kujdes nga lëvizjet e planeteve, veçanërisht më 19 gusht dhe 24 dhjetor, pasi konflikte të shumta do të ndodhin në vendin tuaj të punës. E mira është t’i shmangni këto konflikte.
Viti 2024 ka kaq shumë ngjarje të rëndësishme qiellore, të cilat nisin që me përfundimin e prapavijës së Mërkurit, deri në evente që prej vitesh nuk kanë ndodhur.
1 janar: Muaji nis me lajme të mira! Mërkuri në prapavijë përfundon në këtë datë, për të të sjellë qartësi mendore dhe veprime më të sigurta dhe domethënëse. Gjithçka do të shkojë në ritmin dhe trajektoren e vet.
20 janar: Plutoni do të mbërrijë në Ujor për herë të parë që nga viti 1789! Pra, është një prej ngjarjeve më të rëndësishme të vitit! Një energji empatie dhe dëshirë e madhe për të ndihmuar të tjerët dhe për të bërë ndryshime në komunitet do të të kaplojë!
25 mars: Një eklips hënor do të ndodhë te Peshorja, duke shënuar kështu edhe sezonin e eklipseve pranverore. Kjo ngjarje do të të ndryshojë jetën, pasi do të mbyllet një cikël i vjetër, për t’u hapur një tjetër, më i rëndësishëm.
1 prill: Do të nisë prapavija e parë e Mërkurit për këtë vit dhe jo, s’është shaka për 1 prillin. Prapavija do të ndodhë në Dash, ndaj bëj kujdes me shpërthimet e inatit dhe gjërat që do të thuash.
8 prill: Sezoni i eklipseve të pranverës mbyllet me një eklips diellor në Dash.
20 prill: Jupiteri dhe Urani bashkëveprojnë dhe të motivojnë që të thyesh zinxhirët e së shkuarës dhe të çlirohesh nga çfarëdo lloj gjëje që të mban peng dhe nuk të lejon të ecësh përpara.
25 maj: Jupiteri hyn në Binjakë për herë të parë pas 12 vitesh dhe të inkurajon që të mësosh nga leksionet e jetës dhe t’i marrësh ato me sportivitet.
5 gusht: Sërish prapavija e Mërkurit! Këtë herë do të ndodhë në Virgjëreshë, para se të shkojë më 14 gusht te Luani. Kjo do të të ndalë pak motivimin dhe papritur do të ndjesh humbje fuqie në shumë aspekte.
17 shtator: Një eklips hënor do të ndodhë te Peshqit, duke përcaktuar edhe periudhën e dytë të eklipseve për vitin 2024. Kjo periudhë, ashtu si e para, do të sjellë ndryshime të mëdha në çdo shenjë.
2 tetor: Një tjetër eklips do të ndodhë në Peshore, duke shënuar kështu edhe fundin e eklipseve për këtë vit.
25 nëntor: Sërish, edhe një herë, prapavija e Mërkurit! Këtë radhë do të ndodhë në Shigjetar, çka do të thotë që të kontrollosh disa herë planet e udhëtimeve, valixhet, e-mailet, mesazhet dhe tonin e zërit!
Copyright Anabel.al / Ndalohet ribotimi pa lejen e redaksisë.
