Vështrim i përgjithshëm
Do të merrni gjithë vëmendjen që ju nevojitet këtë vit, falë Plutonit i cili do të hyjë në shenjën tuaj për të bërë ndryshime të mëdha dhe drastike. Misioni juaj është i qartë: Qëndroni autentikë dhe të vërtetë me veten. Mund të përballeni me sikletin që të bëni sipas planit të dikujt tjetër, por në fund të ditës, veçantia juaj do të ngrejë krye.
Romanca dhe seksi
Në fillim të vitit 2024, do të ketë ca problematika në lidhjen tuaj. Keqkuptime të vogla, debate, stres, një periudhë paksa e rënduar. Edhe beqarët do të ndihen sikur nuk po gjejnë askënd që i kupton. Më 25 korrik, do të keni një përmirësim të ndjeshëm, pasi më në fund do të arrini të përcillni vlerat, mesazhet, pasionin dhe dëshirat tuaja tek të tjerët. Komunikimi do të jetë perfekt, mirëkuptimi gjithashtu.
Financat dhe karriera
Më 20 janar, Plutoni do hyjë në shenjën tuaj duke ju sjellë ide të reja dhe duke ju bërë të mendoni për një punë të re, e cila i shkon për shtat dëshirave dhe synimeve tuaja. Pas vitesh me radhë që keni qenë në rolin mbështetës, keni marrë mjaftueshëm aftësi dhe jeni në momentin e duhur për të kaluar në një nivel të ri. Para se të mbërrijë ekuinoksi pranveror, ju do ta gjeni veten duke kërkuar një punë që ju bën ta doni profesionin tuaj.
Viti 2024 ka kaq shumë ngjarje të rëndësishme qiellore, të cilat nisin që me përfundimin e prapavijës së Mërkurit, deri në evente që prej vitesh nuk kanë ndodhur.
1 janar: Muaji nis me lajme të mira! Mërkuri në prapavijë përfundon në këtë datë, për të të sjellë qartësi mendore dhe veprime më të sigurta dhe domethënëse. Gjithçka do të shkojë në ritmin dhe trajektoren e vet.
20 janar: Plutoni do të mbërrijë në Ujor për herë të parë që nga viti 1789! Pra, është një prej ngjarjeve më të rëndësishme të vitit! Një energji empatie dhe dëshirë e madhe për të ndihmuar të tjerët dhe për të bërë ndryshime në komunitet do të të kaplojë!
25 mars: Një eklips hënor do të ndodhë te Peshorja, duke shënuar kështu edhe sezonin e eklipseve pranverore. Kjo ngjarje do të të ndryshojë jetën, pasi do të mbyllet një cikël i vjetër, për t’u hapur një tjetër, më i rëndësishëm.
1 prill: Do të nisë prapavija e parë e Mërkurit për këtë vit dhe jo, s’është shaka për 1 prillin. Prapavija do të ndodhë në Dash, ndaj bëj kujdes me shpërthimet e inatit dhe gjërat që do të thuash.
8 prill: Sezoni i eklipseve të pranverës mbyllet me një eklips diellor në Dash.
20 prill: Jupiteri dhe Urani bashkëveprojnë dhe të motivojnë që të thyesh zinxhirët e së shkuarës dhe të çlirohesh nga çfarëdo lloj gjëje që të mban peng dhe nuk të lejon të ecësh përpara.
25 maj: Jupiteri hyn në Binjakë për herë të parë pas 12 vitesh dhe të inkurajon që të mësosh nga leksionet e jetës dhe t’i marrësh ato me sportivitet.
5 gusht: Sërish prapavija e Mërkurit! Këtë herë do të ndodhë në Virgjëreshë, para se të shkojë më 14 gusht te Luani. Kjo do të të ndalë pak motivimin dhe papritur do të ndjesh humbje fuqie në shumë aspekte.
17 shtator: Një eklips hënor do të ndodhë te Peshqit, duke përcaktuar edhe periudhën e dytë të eklipseve për vitin 2024. Kjo periudhë, ashtu si e para, do të sjellë ndryshime të mëdha në çdo shenjë.
2 tetor: Një tjetër eklips do të ndodhë në Peshore, duke shënuar kështu edhe fundin e eklipseve për këtë vit.
25 nëntor: Sërish, edhe një herë, prapavija e Mërkurit! Këtë radhë do të ndodhë në Shigjetar, çka do të thotë që të kontrollosh disa herë planet e udhëtimeve, valixhet, e-mailet, mesazhet dhe tonin e zërit!
Copyright Anabel.al / Ndalohet ribotimi pa lejen e redaksisë.
