Keni menduar të zhvendoseni, apo të rinovoni shtëpinë tuaj? Mirë se erdhët në janar, në muajin që do t’i merrni shumë seriozisht këto plane. Hëna e re e 11 janarit në Bricjap do të bashkëveprojë me Diellin për t’ju dhënë mundësi të reja në sferën e shtëpisë dhe familjes. Nisni të shihni opsionet që ju shfaqen vërdallë, pas përfundimit të Hënës së re. Marsi do të bashkojë forcat me këtë ngjarje qiellore, për t’ju fuqizuar edhe më shumë.
 
Urani, planeti i surprizave, do të vendoset në shtëpinë tuaj të tetë, atë të parave. Kjo është një periudhë e përkryer për të përmirësuar shtëpinë, për të tërhequr hipotekën, apo për të marrë një kredi, me të cilën do të financoni ëndrat tuaja. Fati është me ju, kudo ku të shkoni. Ndërsa Saturni, sundimtari i Bricjapit, do të japë dhuratën e tij të stabilitetit dhe sigurisë në aspektet e familjes dhe financave. Hëna e re është vërtetë e mrekullueshme dhe do t’ju ndihmojë për një afat kohor prej 6 muajsh. Gradualisht, ajo do ta humbasë forcën e saj, por ju do t’ia dilni të merrni më të mirën.
 
Edhe Jupiteri gjendet në shtëpinë tuaj të tetë, njëjtë si Urani dhe dëshiron t’ju ndihmojë. Do të keni më shumë të ardhura se zakonisht dhe më shumë qëndrueshmëri në marrëdhëniet e reja dhe ato aktuale që keni krijuar, veçanërisht në raportet miqësore dhe me të afërmit tuaj.
 
Susan Miller ju sugjeron që të shkoni në avantazh dhe të punoni një plan të detajuar për çdo sferë të jetës suaj, qoftë ajo me shumë apo me më pak rëndësi. Nëse po kërkoni një vendbanim të dytë, shtëpi pushimesh, apo hapësirë për ta lënë me qira, janari është muaji më i mirë.
 
Që prej 23 janarit, Marsi, Mërkuri dhe Afërdita do të punojnë shumë për t’ju ndihmuar që të përparoni në çështje që lidhen me familjen dhe pronën. Gjithashtu, do t’ju krijojë hapësirën e duhur për të kaluar kohë me miqtë. Hëna e plotë në Luan, që do të ndodhë më 25 janar, do të sjellë një ngjarje të madhe shoqërore, në një periudhë prej plus/minus 5 ditëve nga kjo datë.
 
Plutoni, një nga planetet më të fuqishëm në sistemin tonë diellor, do të zhvendoset tek Ujori për herë të parë që nga viti 1777. Ky planet do të qëndrojë te shenja e ajrit deri në vitin 2044, duke rigjallëruar jetën tuaj romantike, si dhe marrëdhënien tuaj me fëmijët. Plutoni ju inkurajon të eksploni dhe të shprehni ndjesitë tuaja më të thella në lidhje me krijimtarinë dhe imagjinatën. Plutoni, jo më kot njihet si “Transformuesi i Madh”.

Akrepët do të kenë një muaj negociatash dhe marrëveshjesh, pasi shtëpia juaj e tretë do të jetë e mbushur me energji dhe aktivitet. Ka të ngjarë që gjatë këtij muaji të shihni me detaje një kontratë dhe ta rregulloni atë, në mënyrë që t’ju leverdisë më shumë. Bisedimet e rëndësishme do të bëhen më intense pas Hënës së re, e cila do të ndodhë më 11 janar. Megjithëse gjatë kësaj periudhe Mërkuri do të jetë në një pozicion të vështirë me Neptunin, sigurohuni që t’i keni krahët e mbrojtur nga persona që njohin mirë ligjin.
 
Gjithsesi, mos u keqkuptoni! Përplasja e Mërkurit me Neptunin nuk do të thotë aspak se marrëveshja në tryezë është e keqe, vetëm se duhet të studiohet dhe analizohet me imtësi. Në disa zona, komunikimi dhe mënyra e shprehjes duhet të ndryshohet, në mënyrë që të mbrohen më mirë interesat tuaja. Njëkohësisht, në këtë Hënë të re, një rreze ndriçuese dhe miqësore do të vijë nga Urani dhe Marsi, të cilët ju kanë me sy të mirë.

Të keni Marsin në anën tuaj, do të thotë që të keni suksese në të ardhmen. Edhe Urani ndodhet në Dem dhe shndrit mbi shtëpinë tuaj të partneritetit. Ju do të jeni në të njëjtën linjë me partnerin në biznes dhe shpejt mund të arrini në një marrëveshje përfundimtare.
 
Jupiteri, planeti i lumturisë dhe fitimeve do të krijojë një atmosferë shumë harmonike në Mars dhe idetë tuaja do të jenë potencialisht fitimprurëse. Sa i përket Saturnit, do të jetë i gatshëm për t’ju dhuruar më shumë siguri dhe jetëgjatësi në këtë marrëveshje. Për sa kohë do të jeni të gatshëm dhe të kujdesshëm të zbusni elementet ligjorë, mund të përfitoni maksimalisht nga kjo Hënë e re.
 
Gjithashtu, kjo ngjarje qiellore mund t’ju ndihmojë me një projekt komunikimi, në të cilin mund të jeni përfshirë, duke nisur që nga zhvillimi i një aplikacioni, loje digjitale, deri te krijimi i një skenari apo shkrimi i një libri. Angazhimet mund të jenë të çfarëdoshme, por lidhen ngushtë me komunikimin.
 
Hëna e plotë në Luan, e cila do të ndodhë më 25 janar do të sjellë për ju momente emocionuese, pasi do të shfaqet në pikën më të lartë të grafikut tuaj, për të vënë në pah karrierën. Mund të keni një moment të shumëpritur shpërblimi për punën që keni bërë në të kaluarën, mund të keni promovim, titull apo pozicion të ri. Nëse jeni të vetëpunësuar, mund të keni një marrëveshje me një klient prestigjoz.
 
Plutoni, një tjetër sundimtar i juaj do të rrisë nivelin e ndikimit të punës suaj. I vetmi hezitim që mund të keni në lidhje me detyrat e reja, mund të lidhet me detyrimet familjare dhe me mundësinë për të kaluar kohë larg shtëpisë. Gjithsesi, ju mund ta zgjidhni dhe ta balanconi kohën. Para se të vendosni, merrni kohën tuaj për të menduar mbi ofertën që do t’ju shpaloset para syve.

Copyright Anabel.al / Ndalohet ribotimi pa lejen e redaksisë.