Luiz Ejlli ka vendosur ta mbajë publikun në suspancë deri më 13 janar, data kur nis sezoni i tretë i "Big Brother VIP Albania". Lart e poshtë po flitet se ai do të jetë pjesë e formatit si opinionist.

Gjatë intervistave të fundit, Luizi as i ka konfirmuar, por as i ka mohuar thashethemet. “Po duro edhe pak o burrë se po fillon," u përgjigj ai kur u pyet në një intervistë në Top Albania Radio.

"Do prisni pra, prisni deri sa të filloj. A rri unë pa ba gja, ti më njeh…" iu përgjigj ai Ronaldo Sharkës gjatë një interviste të mëparshme.

I konsideruar si fenomeni i edicionit të dytë të reality show-t, emri i Luizit si opinionist i "Big Brother VIP 3" aludohet prej kohësh. Përzgjedhja e tij nuk do të ishte çudi, duke marrë në konsideratë popullaritetin që gëzon.