Ariana Grande publikoi disa detaje në lidhje me albumin e ri, që do të prezantohet shumë shpejt. Lajmi vjen pas tri vitesh nga publikimi i albumit “Positions” në vitin 2020.

Këngëtarja e "God is a woman" ngacmoi admiruesit e muzikës së saj me një album fotosh dhe videosh të postuara në Instagram, duke etiketuar producentin muzikor Ilya Salmanzadeh, teksa shkroi në postim: “Shihemi vitin e ardhshëm.”

Ariana publikoi një selfie në të cilën qan në një studio regjistrimi dhe një video ku duket e shtrirë në divan dhe e mbuluar me një batanije, ndërsa personi që filmonte pyet: "A është kjo dita e fundit e punës për albumin?" Ylli i popit përgjigjet: "Jam shumë e lodhur, por shumë e lumtur dhe mirënjohëse".

Vitin e ardhshëm pritet gjithashtu debutimi i filmit musical me titullin “Wicked”, ku interpreton dhe Ariana Grande, film i cili është planifikuar të dalë në kinematë botërore në nëntor.

 
Burimi: Harper’s Bazaar