Princi William dhe Kate Middleton postuan një fotografinë familjare, si kartolinë për Krishtlindjet dhe festat e fundvitit. Të gjithë pjesëtarët e familjes mbretërore u shfaqën me veshje dhe tonalitete gati identike, e natyrisht analistët e gjuhës së trupit nuk kanë humbur kohë për të bërë punën e tyre dhe për “futur në sitë” të gjithë elementët në tërësi të fotos.

Judi James, një eksperte e gjuhës së trupit tha për The Sun: “Ndjenja e fortë e një grupi të ngushtë njerëzish, pra familjes, vjen përmes zgjedhjes së një nuance uniforme, pra të zezës. Ndërsa, gjuha e relaksuar e trupit vjen si një element emocional që shërben si urë lidhëse mes pesë anëtarëve të familjes mbretërore,” thotë ajo.

Sa i përket veshjeve, stili i të cilave duket i ngjashëm me ato të viteve ’90-të, Judi thotë se mund të ketë të bëjë me dëshirën e tyre për të treguar “forcën dhe besimin e plotë për familjen, pa zbukurimet festive dhe kurthet e statusit mbretëror”. Siç vë në dukje ajo: “Ne të gjithë e dimë se ata duken mjaft bukur në daljet e tyre zyrtare dhe tipike mbretërore, por në foton e fundit, ata duken më të afërt me njerëzit.”

Judi pohon gjithashtu se animi i kokës së princit William "tregon një dëshirë për t'u pëlqyer", ndërsa "Kate mbështetet në bustin e William-it për ta bërë këtë një pozë delikate romantike".

Pozicioni i princeshës Charlotte pikërisht në mes të fotos mund të jetë i qëllimshëm. "Charlotte ngjan shumë me mbretëreshën e ndjerë dhe ky pozicionim qendror dhe buzëqeshja e lezetshme e vogëlushes vijnë si jehonë nga jeta e Elizabeth-ës kur ajo ishte e re,” përfundon James.

Burimi: Cosmpolitan