Rituali shekullor i vendosjes së një peme për festat e fundvitit sjell zyrtarisht periudhën më magjike të vitit. Por dekorimi i pemës nuk është vetëm një traditë festive që ekziston prej shekujsh. Shpesh, ajo shihet edhe si një mënyrë për të “lexuar” tipin dhe personalitetin tuaj.
Pavarësisht nëse zgjidhni një pemë me ngjyrë tradicionale jeshile, zbukurime të kuqe, dekor me nuanca ari vezullues, ose një pemë të lezetshme të mbuluar me shirita, borë false dhe të kompletuar me një topa argjendi, çdo mënyrë zbukurimi është një shprehje unike e personalitetit tuaj. Ja si përkthehet ndryshe mënyra sesi ju e dekoroni pemën:
1. Neutrale dhe minimaliste
Dekori minimalist reflekton një personalitet që vlerëson shumë thjeshtësinë. Një pemë minimaliste shpreh qetësinë dhe mungesën e rrëmujës në shtëpinë e çdokujt që e zgjedh, gjë që e bën atë ideale për njerëzit që duan qetësi edhe gjatë një sezoni festiv.
2. Luks dhe shumë ngjyra
Kjo është një zgjedhje e guximshme që pasqyron një shpirt lozonjar që nuk toleron monotoninë, por vlerëson shumëllojshmërinë për sa i përket ngjyrave dhe formave.
3. Antike dhe nostalgjike
Nëse pema juaj ka një histori të pasur dhe personale, ku çdo stoli tregon një histori, ka shumë të ngjarë që ju të jeni një person sentimental dhe i orientuar nga familja. Nostalgjia mund t'i bëjë vërtet dekoret e veçanta, edhe nëse ato mund të mos përputhen me shijen tuaj aktuale.
Burimi: LivingEtc
