Viti 2024 është pothuajse këtu dhe nëse keni menduar që tani për vendimet dhe objektivat për 365 ditët e vitit tjetër, dijeni se nuk jeni vetëm. A planifikoni ta bëni 2024-ën, vitin e përmbushjes së qëllimeve tuaja? Nëse po, ja si:
1. Gjeni pse-në tuaj
Ju mund të filloni me planifikimin e ideve për sa kohë kuptoni qëllimin tuaj. Cila është arsyeja pse e doni këtë gjë? Lidheni me një emocion të fortë, pse jo edhe me idenë sesi do të ndiheni në fund të këtij udhëtimi pasi të keni arritur qëllimet specifike.
2. Vendosni qëllime të arritshme
Pasi të kuptoni arsyen tuaj, sigurohuni që rezultati të jetë me të vërtetë i arritshëm. Për shembull, humbja e 30 kilogramëve në 30 ditë ndoshta nuk është e arritshme për shumicën e njerëzve. Por të dalësh dhe të ecësh çdo ditë, është.
3. Filloni ngadalë tani për të krijuar zakone të qëndrueshme
Mos u mundoni të ndryshoni gjithçka në jetën tuaj menjëherë. Njerëzit kanë sukses duke filluar ngadalë me ndryshimet dhe duke krijuar zakone të qëndrueshme.
4. Kthejeni dobësinë tuaj në pikë të fortë
Shndërrimi i dobësive në pika të forta është veçanërisht e rëndësishme. Për shembull, nëse jeni fillestar në çështjet e ushtrimeve në palestër është e rëndësishme të kuptoni dobësitë tuaja dhe t'i jepni përparësi shndërrimit të tyre në pika të forta.
5. Përfitoni nga shitjet tani
Nëse po kërkoni të blini një lloj pajisjeje, blijini ato gjëra tani dhe kurseni ca para. Kjo është veçanërisht e vërtetë nëse keni si qëllim që të bëni më shumë gatime në shtëpi.
6. Kërkoni ndihmë nga jashtë
Nuk ka turp të kërkosh ndihmë pavarësisht se çfarë ke vendosur të bësh. Mbani shënime, flisni me miq të ngushtë dhe familjarë që mund t’ju ndihmojnë për të hartuar strategjitë e qëllimeve tuaja dhe që mund t’ju bëjnë më shumë përgjegjës për objektivat e radhës.
Burimi: Real Simple
