Supermodelja amerikane është e njohur për stilin jo vetëm në pasarelë, por edhe jashtë saj. Ambienti i saj i ndenjes, me ngjyra tërësisht neutrale është detaji që u ka rënë në sy shumë interior dizajnerave.
Ngjyrat neutrale janë një nga tendencat më të mëdha për vitin 2023 dhe ekspertët parashikojnë se kjo do të vazhdojë edhe për vitin 2024. Duke ofruar një mori nuancash të ngrohta që qëndrojnë në mënyrë harmonike, dekori me ngjyra neutrale është i pëlqyer nga dizajnerët për aftësinë e krijimit të hapësirave relaksuese dhe të qëndrueshme.
“Ne kemi parë se ekziston një dëshirë më e madhe për të rrethuar veten me ngjyra komode që janë të lehta për t'u kombinuar dhe që ofrojnë qetësi në shtëpitë tona,” thotë Ruth Mottershead, drejtoreshë kreative në një kompani arredimi.
Një bazë neutrale e errët do të krijojë një pamje moderne duke ruajtur elementët klasikë. Truku është që të përmirësoni detajet për të shmangur idenë se hapësira duket bosh dhe pa shumë orendi brenda.
Kur dekoroni ambientin, ngjyra është një mjet transformues, por sigurohuni që të futni edhe shumë elementë të tjerë. Sekreti është te pëlhurat, materialet etj.
Teksturat natyrale, qofshin ato prej guri, druri apo liri, mund të ndihmojnë për të shtuar elementët neutralë në ambientin tuaj të ndjenjes. Kjo do të thotë se asgjë nuk do të jetë e tepërt, por gjithçka funksionale dhe në emër të komoditetit në shtëpinë tuaj.
Burimi: Homes & Gardens
