Po kërkoni frymëzim për prerjen e flokëve gjatë festave? TikTok mund të jetë plot me tendenca, nga ato më të çuditshmet, te versionet më të bukura dhe të realizueshme:
Flokët, grimi, manikyri, gjithçka për vajzat që duan të ndihen të bukura gjatë netëve festive dhe jo vetëm.

Për momentin, vëmendjen absolute e kanë marrë modelet e flokëve, prerja e të cilave është bërë virale.

-Prerja e flokëve si në vitet '90

Një prerje e këndshme dhe ideale për forma të ndryshme fytyrash. Prerja e flokëve si në vitet '90 është më popullorja në TikTok me më shumë shikime. Ideale për gocat me flokë të gjatë dhe voluminozë, për këtë prerje mund t’i referoheni pamjes aktuale të princeshës Kate Middleton. Nuk është shumë larg këtij modeli apo jo?

-Prerja e flokëve si një vajzë franceze

Le ta pranojmë që gratë janë shumë të fiksuara pas botës franceze dhe gjithçkaje që lidhet me termat e modës dhe bukurisë së këtij vendi. Pavarësisht nëse po mendoni për një model Bob francez të shkurtër apo të gjatë dhe me baluke të frymëzuara nga Jane Birkin, siguroheni që të keni flokë të shëndetshëm dhe të lyer bukur, si fillim.

-Prerja flutur

Prerja flutur është një stil me disa shkallëzime, i cili ka në fokus portretin e vajzave. Kjo prerje është e këndshme për shumicën e formave të fytyrës.

-Gërshetat Fulani

Një nga modelet më të njohura të flokëve me gërsheta në TikTok? Gërshetat Fulani! Një model që lidhet me gërshetat e hollë në gjithë tërësinë e kokës nga pjesa qendrore dhe deri në fund. Kujtoni Rihanna-n dhe Solange Knowles, ato janë dy fanset e famshme të këtij modeli flokësh.

-Preja “U”
Për çdo vajzë që kërkon një siluetë të bukur me flokë të lirshme, kjo prerje është një opsion fantastik. Kur flokët bien pas shpatullave, prerja ngjan me një kurbë në formë u-je. Është një prerje delikate, por që shton iluzionin e volumit, edhe nëse nuk keni flokë të dendur.

Burimi: Vogue