Dione, Greqi
Një banor hyn në makinë për t’u larguar nga zjarri. Autoritetet e mbrojtjes civile në Greqi urdhëruan evakuimin e banorëve në disa prej zonave të periferisë së Athinës, për shkak të vatrave të zjarrit që dolën nga kontrolli.
Athinë, Greqi
Marina Kalogerakou, 24 vjeç, përqafon tezen e saj Eleonora Zoakou, 48 vjeç, teksa në sfond, shihet zjarri që digjet në Penteli. Autoritetet greke vijuan luftën me flakët e zjarrit, të cilat ishin të shpërndara kudo nëpër periferitë e Athinës.
Kiryat Tiv'on, Izrael
Anëtarët dhe miqtë e familjes vajtojnë në funeralin e ushtarit Sgt Omer Ginzburg, i cili gjeti vdekjen në një betejë në jug të Gazës.
Gaza
Palestinezët presin të marrin ushqimin e gatshëm nga një nismë bamirësie, në mes të krizës së urisë nga lufta mes Hamasit dhe Izraelit.
Kursk, Ukrainë
Mjekët mjekojnë një banor në një spital të Kursk-ut. Ofensiva e beftë e Ukrainës e kapi të papërgatitur ushtrinë ruse, duke e bërë Moskën që të rimendojë bisedimet për luftën në Ukrainë. Forcat ruse u tërhoqën për t’u pozicionuar në mënyrë strategjike në Donetsk.
Sumy, Ukrainë
Personeli i shërbimit ukrainas drejton një automjet të blinduar ushtarak në një rrugë pranë kufirit me Rusinë.
Vinhedo, Brazil
Ekspertiza ligjore duke analizuar ngjarjen e rënies së një avioni të linjës ajrore “Voepass”. Avioni kishte 61 persona në bord dhe ishte nisur nga Cascavel në São Paulo. Avioni u rrëzua në Vinhedo në veriperëndim të São Paulo.
Deti Mesdhe
Emigrantët duke qëndruar në një varkë pranë anijes së shpëtimit “OJQ Open Arms Astral” në detin Mesdhe.
Mlomp, Senegal
Trajnerja 43-vjeçare, Isabelle Sambou, e cila ka fituar 2 medalje olimpike dhe është shpallur 9 herë kampione në mundje në Afrikë, pastron pasqyrën e dhomës së saj.
Dhaka, Bangladesh
Nxënësit duke blerë bileta treni në stacionin “Kamalapur”, ndërsa shërbimet hekurudhore kanë rinisur punën, disa ditë pasi një protestë e udhëhequr nga studentët rrëzoi Sheikh Hasina nga sundimi 15-vjeçar i vendit.
Pyongyang, Koreja e Veriut
Njerëzit bëjnë nderimet e tyre përpara statujave të liderëve të ndjerë të Koresë së Veriut, Kim Il-sung dhe Kim Jong-il në Mansu Hill.
Kibbutz Sa'ad, Izrael
Aktivistët e djathtë izraelitë luten gjatë një tubimi ku bënë thirrje për vendosjen e vendbanimeve izraelite në Gaza.
Gaza
Një vajzë e re, rrethohet nga gratë, teksa vajton pasi identifikoi një anëtar të familjes së saj, i cili ndërroi jetë gjatë një sulmi izraelit në një shkollë. I ndjeri ndërroi jetë në spitalin “al-Maamadani”, mes 80 viktimave që u vranë në 3 sulme me raketa izraelite.
Nyiragongo, Republika Demokratike e Kongos
Punonjësit shëndetësorë monitorojnë pacientët në spitalin e përgjithshëm të Nyiragongo-s. Ministri i shëndetësisë, Samuel-Roger Kamba, tha se vendi kishte regjistruar 15,664 raste të mundshme dhe 548 vdekje që nga fillimi i vitit nga lia e majmunit. Përpjekjet e mbikëqyrjes kundër lisë po rriten globalisht, pasi provat për një trajtim të ri treguan rezultate zhgënjyese kundrejt variantit që nxit shpërthimin aktual
Athinë, Greqi
Vullnetarët përpiqen të shuajnë një zjarr në afërsi të Pentel-it. Autoritetet e mbrojtjes civile të Greqisë urdhëruan evakuimin e disa qyteteve në periferitë verilindore të Athinës
Athinë, Greqi
Turistët bëjnë selfie me Akropolin në sfond, ndërsa tymi nga zjarret pushton qiellin e Athinës.
Londër, Angli
Njerëzit mblidhen rreth një vepre arti nga artisti i rrugës Banksy, në një mur në Charlton.
Paris, Francë
Jack Carlin përplaset me Muhammad Shah Firdaus dhe Shinji Nakano në finalen e garës së keirinit për meshkuj në “Le Velodrome National” gjatë Lojërave Olimpike në Paris 2024.
Long Beach, Kaliforni, SHBA
Dr Dre dhe Snoop Dogg performojnë në përfundimin e Lojërave Olimpike Paris 2024.
Glendale, Arizona, Shtetet e Bashkuara
Kandidatja demokrate presidenciale dhe nënpresidentja Kamala Harris në prapaskenën e eventit të fushatë, duke dëgjuar kandidatin Tim Walz, teksa flet para popullit në Arizona.
