Një tjetër vlerësim prestigjioz për yllin e muzikës pop: Taylor Swift u shpall “Njeriu i Vitit 2023” nga revista Time.
“Teksa popullariteti i saj është rritur gjatë dekadave, ky është viti që Swift, 33 vjeçe, arriti një lloj shkrirjeje bërthamore: të shkrepte artin dhe biznesin së bashku për të çliruar një energji të forcës historike,” shkruam revista.
Time tha se Swift u zgjodh sepse ajo gjeti një mënyrë për t'u dhënë njerëzve në mbarë botën shpresë në kohë të errëta.
"Askush tjetër në planet sot nuk mund të bashkojë kaq shumë njerëz kaq mirë," shkruan Time. “Një arritje e tillë është diçka që ne shpesh ia atribuojmë radhitjes së planetëve dhe fateve, por duke u dhënë shumë kredite yjeve, injorojmë aftësinë dhe fuqinë e saj.”
Turneu i saj “Eras” ftoi rreth 2.2 miliardë dollarë vetëm nga shitjet e biletave në Amerikën e Veriut. Përpos kësaj, filmi mbi turneun “Taylor Swift: The Eras Tour" korri sukses në kinema.
Ndër të gjitha këto, Swift theu rekordin e saj në Spotify duke u bërë artistja më e transmetuar në një ditë të vetme në historinë e platformës, kur "1989 (Taylor’s Version)" u bë albumi më i transmetuar në Spotify në një ditë të vetme.
