Të shumtë kanë qenë njerëzit që kanë pyetur lart e poshtë nëpër rrjetet sociale nëse Olta e ka uruar Kiarën për shtatzëninë dhe më në fund, aktorja, përmes një postimi në Instastory, e ka shuar kureshtjen, duke treguar se e ka uruar moderatoren, por nuk ka marrë një përgjigje mbrapsht.
 
Olta u dha mundësinë ndjekësve t’i bënin pyetje të ndryshme dhe një prej pyetjeve ishte nëse e kishte uruar Kiarën për pritjen e ëmbël. Olta s’e kurseu screenshot-in e mesazheve mes tyre, ku i kishte shkruar Kiarës: “Urime Kiara në rrugëtimin më të bukur në botë! Zoti ju bekoi. Ashtu qofshi gjithmonë”.

 
Megjithëse urimi është dërguar që më 22 nëntor, në orën 21:32, Olta nuk ka marrë një përgjigje, madje Kiara s’ia ka lënë as seen mesazhin. :) "E kam uruar në privat" shkroi Olta në foton e publikuar.

Gjithsesi, edhe pse Kiara s'ktheu një përgjigje, mund të themi se Olta e ka bërë pjesën e saj. Por, duhet të theksojmë edhe se Kiara ndoshta s'e ka parë mesazhin, për shkak të urimeve të shumta që mund të ketë marrë.
 
Sa i përket shtatzënisë së shumëpërfolur, Kiara dhe Luizi konfirmuan se do bëhen prindër të një vajze përmes këngës “Frymë”, në të cilën shfaqeshin momente të ndryshme ku moderatorja i tregoi këngëtarit se do të bëheshin prindër, ekoja e bebushes dhe pamje nga festa për zbulimin e gjinisë së bebit.

Artikuj të sugjeruar: