Kur fjalët mbarojnë, emoji-t mbretërojnë! Shtimi i emocioneve dhe dozave të dashurisë përmes mesazheve është gjithçka që ju duhet në momente të caktuara në jetë. Me kaq shumë emoji të ndryshme në formë zemre, duhet të kuptoni që jo të gjitha ato që dërgoni kanë një funksion apo përcjellin mesazhe të njëjta.

Këtu janë kuptimet e veçanta të 24 emoji-ve në formë zemre:

1. Zemër e zezë: Emoji i zemrës së zezë mund të ketë kuptime të ndryshme. Mund të përdoret për të dhënë sinjale për humor të keq ose trishtim.

2. Zemër me duar: Kur doli emoji i zemrës që formohet me duar, u bë shumë bujë. Kjo emoji përdoret për të shprehur dashurinë dhe mbështetjen.

3. Zemër në ngjyrë vjollcë: Kjo emoji simbolizon dashurinë, gjithashtu edhe luksin e spiritualitetin.

4. Zemër e verdhë: E ndritshme si rrezet e diellit dhe luledielli, e verdha ngjall natyrshëm pozitivitet. Dërgimi i kësaj emoji-e tregon gëzim dhe lumturi të vërtetë.

5. Zemër blu: Ngjyra blu shpesh ngjall ndjenjat e paqes dhe qetësisë së brendshme dhe pikërisht ky është kuptimi i këtij emoji.

6. Zemër e bardhë: Një emoji me zemër të bardhë është mishërimi i pastërtisë dhe dashurisë së thellë. Mund të përdoret gjithashtu si simbol i paqes.

7. Zemër rozë: Ky emoji tregon kujdes dhe dashuri të vërtetë, qoftë në mënyrë romantike apo platonike.

 
8. Zemër e thyer: Siç mund të merret me mend, emoji i zemrës së thyer është një shenjë e një ndarjeje, anulim i një koncerti të preferuar, pra me pak fjalë trishtim.

9. Zemër në ngjyrë portokalli: Ngjyra portokalli është e ngrohtë dhe tërheqëse. Përfaqëson miqësinë dhe ngrohtësinë.

 
10. Zemër e kuqe: E kuqja është ngjyra universale e romancës dhe pasionit. Përdorimi i këtij emoji shpreh ndjenjat e dashurisë për dikë.

 
11. Zemër e gjelbër: Ashtu si bari dhe gjethet në pemë, emoji-t me zemër të gjelbër janë simbolikë e natyrës.

 
12. Zemër kafe: Mund të mos jetë ngjyra më e bukur, por kuptimi i emoji-t me zemër kafe qëndron te rehatia dhe stabiliteti.

 
13. Skicë në formë zemre: Emoji i skicës së zemrës është diçka lozonjare që përdoret kur jeni në humor të mirë!

 
14. Zemër në flakë: Një zemër në zjarr është një shenjë e dashurisë pasionante.

 
15. Zemër me shkëlqim: Kjo zemër verbuese përdoret shpesh për të shfaqur gëzim. Mund të përdoret gjithashtu për të theksuar një mesazh.

 
16. Dy zemra rozë: E dini se, dy është më mirë se një! Siç është rasti me emoji-t me dy zemra rozë, kjo tregon shoqërinë dhe dashurinë për dikë.

 
17. Zemra rrotulluese: Emoji rrotullues i zemrave pasqyron ndjenjat marramendëse të dashurisë ose fazën e muajit të mjaltit.

 
18. Zemër që rreh: Ju mund të përdorni një emoji të zemrës që rreh për të përcjellë pasion ose eksitim.

 
19. Zemër me shirit: E përkryer për festat e fundvitit, ky emoji përdoret kur jep ose merr një dhuratë dhe ju ndiheni mirënjohës duke treguar dashuri dhe vlerësim.

 
20. Zemër në rritje: Kur ndjeni se zemra juaj po zmadhohet, pavarësisht nëse arsyeja është pozitive apo e trishtë, ky duhet të jetë emoji i duhur për t'u dërguar.

 
21. Zemër si pikëçuditëse: Kur ndani diçka emocionuese ose po reagoni ndaj lajmeve të mëdha, mund të dërgoni një zemër dhe një pikëçuditëse në mesazhin tuaj.

 
22. Anatomia e zemrës: Meqenëse kjo përshkruan një zemër të vërtetë, reale, zakonisht përdoret kur flitet për çështje mjekësore.

 
23. Një zemër duke u shëruar: Pavarësisht nëse po flisni me miqtë pas ndarjes, ose doni t’i dërgoni mesazh një personi që po lëndohet, emoji i zemrës duke u shëruar është i duhuri.

 
24. Zemër me shigjetë: Hej, Kupid! Zemra me shigjetë tregon se ju po dërgoni vërtet dashuri. Është një emoji goxha popullor që dërgohet sidomos në festa si Shën Valentini. 

Burimi: Parade