Veshja për festat e fundvitit nuk duhet të jetë e gjitha me xixa apo temina që shkëlqejnë kilometra larg! Mjafton të shikoni fotografitë e fundit të Amal Clooney-t, për të kuptuar se ndonjëherë stili minimalist është zgjedhja që duhet për të konfirmuar protagonizmin gjatë festave.
Amal dhe bashkëshorti i saj, aktori George Clooney morën pjesë në premierën e filmit “The boys in the boat” në Londër. Për t’u përshtatur me vendin dhe aktivitetin, Amal zgjodhi një veshje festive, por jo të ekzagjeruar: Një kostum i zi prej materiali kadifeje dhe ajo shkëlqente!
Një korse sipër që zbulon një shpatull, me një dekolte në fokus dhe një pjesë e zbuluar te ijët që thekson linjat dhe belin saj.
Për të kompletuar look-un, Amal zgjodhi një palë taka të zeza me majë kamoshi, bizhuteri minimaliste prej diamanti dhe floriri, një buzëkuq i fortë për buzët dhe thonj në po të njëjtën ngjyrë.
Ndërkohë, flokët e gjatë në nuancë të theksuar karamel dhe me onde voluminoze e plotësonin edhe më bukur pamjen e Amal Clooney.
George, nga ana e tij, i qëndroi stilit të zakonshëm duke zgjedhur një kostum gri të errët me kopsa të bardha dhe këpucë të zeza.
Burimi: Instyle
