Buzë oxhakut tek gjerbni një gotë verë a kakao të ngrohtë, muzikë festive në sfond dhe jashtë dëbora që ka mbuluar çdo cep... Kjo është tabloja e destinacionit që kemi, kur çojmë nëpër mend festat dhe fund dhjetorin. Po sikur t'ju themi që magjia e festave buzë detit nuk ka të krahasuar dhe është një përvojë unike që duhet provuar do të na besonit? Për pak ditë, në një ceremoni të veçantë, në resortin Portonovi do të ndizen dritat e pemës dhe atmosfera e festave do të shndërrojë këtë vend bregdetar në një magji. Nëse deri më tani darka e Vitit të Ri apo Krishtlindjes ju ka gjetur në të njëjtin vend, është momenti të zbuloni një destinacion krej të veçantë, ku ju dhe njerëzit tuaj të dashur do të krijoni kujtimet më të bukura.
Jo shumë larg Tiranës, pa qenë nevoja të blini një biletë avioni, në një nga gjiret më të bukura të Evropës ngrihet resorti me standardet më të larta, në harmoni të plotë me natyrën në qendër të një fshati që gëlon nga gjallëria. Portonovi, shndërrohet në një mrekulli gjatë festave dhe përgjatë gjithë muajit Dhjetor, kryefjala janë eventet e surpriza.
Nga ngjarjet emocionuese deri tek festimet e jashtëzakonshme, çdo moment do të jetë i paharrueshëm. Tregu i Krishtlindjes, shtëpizat e drurit, këndet për foto, personazhet më të dashura për fëmijë, skena e artistëve etj do të jenë vetëm disa nga surprizat që ju presin gjatë muajit dhjetor. Festimet në Portonovi kanë bërë jehonë nga viti në vit, ndaj bëjini dhuratën më të veçantë vetes, disa ditë qëndrimi në këtë resort për të zbuluar vetë magjinë dhe atmosferën festive buzë detit. Përjetoni sharmin magjepsës të Portonovit këtë dimër dhe zbuloni magjinë që gjendet në çdo kënd. Portonovi si destinacioni për sezonin festiv 2023-2024 do t'ju dhurojë disa nga kujtimet më të paharrueshme.
Në sheshin Marina do të zhvillohen një sërë koncertesh të bujshme për 16 ditë me radhë që do të ndezin atmosferën si kurrë më parë. Darka Gala e Krishtlindjes apo ajo e ndërrimit të viteve, brunch-i më 1 janar, janë disa nga organizimet e tjera luksoze që stafi i Portonovit ka planifikuar në detaj.
Megjithatë nëse kjo është dhurata që ju do i bëni vetes, Portonovi ka një tjetër dhuratë për ju. Ekipi i përkushtuar në Portonovi ka kuruar një ofertë të veçantë festive duke iu përshtatur nevojave të çdo klienti. Përfitoni nga uljet tunduese për një arratisje dimri që do të bëhet një nga kujtimet tuaja më të dashura. Oferta përfshin akomodimin në suitat luksoze, mëngjesin e shijshëm për të filluar ditën tuaj në mënyrën më të mirë të mundshme, dhe një masazh relaksues 30-minutësh për person. Kjo ofertë e veçantë për fillon prej vetëm 192 euro për një natë dhe është në dispozicion deri më 31 janar.
Ndonëse deri më tani keni qenë në mëdyshje për dhuratën që mund t'i bëni njeriut të zemrës, apo për destinacionin se ku do i kaloni festat si familje, kjo është ideja që do të triumfojë ndaj çdo dhurate tjetër. Në fund të fundit, shpirti i festave lidhet me krijimin e kujtimeve ndaj këtë vit dhuroni një përvojë, atë të qëndrimit në Portonovi, për të shijuar magjinë e festave si kurrë më parë.
