Pas thashethemeve se martesa e tyre është në krizë, Bianca dhe Kanye West fotografohen bashkë në Dubai, ku reperi është duke punuar për albumin e ri. Ata shkuan në një dyqan dhe Bianca veshi një fustan shumë të shkurtër, kombinuar me një palë çizme bezhë dhe një kapele alla ruse.
Por, ajo që binte më shumë në sy ishte se mbante një pellush në pjesën e kraharorit. Ndërkohë, si përherë, Kanye u shfaq i veshur komplet me rroba të zeza dhe me një pardesy të gjatë.
Ribashkimi i tyre në Dubai i habiti njerëzit, të cilët mendonin se martesa e tyre po përjetonte një periudhë të vështirë. “Më fal, po Bianca?!”; “Domethënë s’janë ndarë kurrë?”; “Ok, janë prapë bashkë, mbase është lëvizje marketingu”, ishin disa prej komenteve.
Disa kohë më parë, burime të ndryshme thanë se martesa e dyshes është në një krizë. Çifti, i cili u martua në dhjetor të vitit 2022, po jetojnë të ndarë që prej mesit të tetorit.
“Familja e saj s’ka qenë kurrë një fanse e Kanye-t dhe njerëzit e afërm me të kanë pyetur nëse martesa me Kanye-n ishte vendimi i duhur”, u shpreh një burim anonim, duke shtuar se reperi është një person shumë i vështirë me të cilin mund të jetosh dhe punosh dhe Bianca ka qenë shumë e duruar me të”, u shprehën burimet anonime asokohe.
Një ndër arsyet pse martesa e tyre është në një krizë të tillë, sipas burimeve, lidhet me opinionet e miqve të Bianca-s për lidhjen e saj. Burimi theksoi se reperi është shumë më i lumtur dhe i përqendruar kur ka të shoqen pranë, por gjithsesi, miqtë e Bianca-s nuk janë të lumtur për ta.
