Aktorja 33-vjeçare dhe Kylie Jenner kanë folur hapur këtë herë për bukurinë në një intervistë për “Interview Magazine”. Ylli i The Kardashians dhe fituesja e çmimit Oscar, u shprehën pa doreza mbi operacionet plastike.
Fillimisht, diskutimi u përqendrua te buzët e famshme të Kylie-t dhe faktin sesi ajo filloi t’i konturonte ato në adoleshencë. Pasi Kylie tha se bënte shumë grim për t’i bërë buzët të duken të plota, Jennifer pranoi se përdor vetëm make up për çdo ndryshim në portret dhe asnjë gjilpërë apo ndërhyrje plastike.
Ylli i “Hunger Games” mohoi spekulimet për ndërhyrje te pjesa e syve. “Unë nuk kam bërë asnjë operacion te zona e syve. Thjesht bëj më shumë grim,” tha Jennifer.
View this post on Instagram
Kylie e pranoi se i ka mbushur buzët, duke mos shprehur pendesë për veprimin, pasi pamja e saj tani nuk ka krahasim me atë në adoleshencë kur vendosi edhe që të ndërhyrjë te buzët. “Kam bërë mbushës te buzët, por kur shoh fotot në moshën 12 vjeçe me tani që jam 26, çdo gjë duket ndryshe, madje dhe vetullat e mia,” tha Jenner.
Duket se edhe aktorja ndan të njëjtin mendim për veten 19 vjeç me tani që është afërsisht 30. “Unë u rrita. Kam humbur peshën që mora gjatë shtatzënisë dhe fytyra ime ndryshoi. Njëherësh jam duke u moshuar,” përfundoi ajo.
Burimi: Hollywood Life