Këtë javë i afrohemi ditës së Shën Valentinit. Afërdita, planeti i dashurisë, do të kalojë një kohë të gjatë këtë vit në shenjën e Dashit, duke hyrë në këtë shenjë më 4 shkurt 2025.

Megjithatë, ki parasysh se më 1 mars, Afërdita do të hyjë në prapavijë, ndaj kushtoji vëmendje çdo gjëje që duket sikur po ngadalësohet ose nuk po shkon siç duhet në aspektin romantik. Gjithashtu, mund të ndihesh nostalgjik dhe i mbushur me kujtime për një person nga e kaluara.

Dashi

Këtë javë do të ndihesh edhe më energjik, Dash! Edhe pse viti ka nisur me ritëm të ngadaltë dhe shumë reflektime (dhe kështu do të mbetet deri në maj), që tani do të ndjesh një shtysë të veçantë nga universi.

Do të kesh më shumë dëshirë për të shijuar jetën, për dashuri dhe gëzim. Përqendrohu te vetja dhe jepi gjithë dashurinë që të duhet. Po ashtu, sharmin tënd do ta ndjejnë të gjithë, ndaj përdore në avantazhin tënd!

Demi

Kjo javë mund të të bëjë më reflektues, sidomos për sa i përket jetës tënde romantike gjatë vitit të fundit.

Mund të ndjesh nevojën për të analizuar më mirë marrëdhëniet dhe për të kuptuar se çfarë dëshiron vërtet në të ardhmen. Takimi me një këshilltar apo terapist për të diskutuar mbi modelet e tua emocionale dhe romantike mund të të ndihmojë shumë.

Po ashtu, është momenti i duhur për të lënë pas çdo bagazh emocional dhe për të punuar drejt shërimit të plagëve të vjetra në aspektin e intimitetit. Do të ndihesh më mirë pasi të pastrosh të shkuarën dhe të hapësh rrugë për një të ardhme më të shëndetshme emocionale.

Binjakët

Javët në vijim do të jenë jashtëzakonisht sociale për ty, Binjak! Universi të bën të jesh në qendër të vëmendjes.

Do të ndjesh se fati po të buzëqesh dhe se shumë njerëz kërkojnë të jenë pranë teje. Emri yt do të përmendet shpesh dhe do të ndjesh se të tjerët presin shumë prej teje në muajt e ardhshëm.

Kjo është një kohë e shkëlqyer për të forcuar miqësitë ose për të eksperimentuar me idenë e kthimit të një miku në diçka më shumë.

Gaforrja

Lajme të mira për karrierën tënde, Gaforre! Nëse ke qenë duke punuar shumë, tani është momenti kur do të shohësh rezultate konkrete.

Shefat dhe figura të rëndësishme në profesionin tënd do të shfaqin më shumë interes për ty dhe për punën tënde, gjë që mund të të çojë drejt një avancimi, promovimi apo një vlerësimi publik.

Nëse synon të ngjitesh më lart në hierarkinë profesionale, është momenti të kërkosh mundësi të reja pune apo të garosh për një pozicion më të mirë.

Luani

Jeta po bëhet më e gjallë dhe më emocionuese për ty, Luan! Edhe pse energjitë kozmike janë të lëkundura, do të ndjesh një valë të re guximi dhe spontaneiteti që do të të ndihmojë të ecësh përpara.

Dëshira për aventura do të të pushtojë. Kjo është koha e duhur për të ndryshuar rutinën dhe për të bërë diçka që të frymëzon dhe të gjallëron, si të shikosh një dokumentar të ri ose të planifikosh një udhëtim ekzotik. Mos e lër veten të mbërthehesh nga monotonia!

Virgjëresha

Këtë javë do të kesh një nevojë të thellë për intimitet dhe dashuri, Virgjëreshë!

Nëse je në një marrëdhënie, mund të përjetosh momente të ngrohta dhe të ndihesh më pranë partnerit. Nëse je single, mund të reflektosh mbi atë që të duhet vërtet në një lidhje.

Nga ana financiare, mund të marrësh lajme të mira. Nëse ke bërë investime, mund të shohësh rezultate të favorshme dhe nëse je i martuar, mund të marrësh lajme të mira për të ardhurat e partnerit.

Peshorja

Yjet janë në favorin tënd këtë javë, Peshore! Do të ndihesh sikur mund të marrësh gjithçka që dëshiron.

Marrëdhëniet - qofshin ato personale apo profesionale - do të jenë në qendër të vëmendjes. Nëse ke nevojë të kërkosh ndihmë apo të bësh një negociatë të rëndësishme, tani është momenti i duhur.

Nëse je në një lidhje, krijo kohë për të planifikuar të ardhmen me partnerin dhe për të forcuar marrëdhënien.

Akrepi

Produktiviteti do të ndihet më natyrshëm këtë javë, Akrep. Do të kesh një balancë më të mirë mes jetës profesionale dhe asaj personale.

Marrëdhëniet me kolegët dhe klientët do të jenë më të mira dhe mund të ndjesh një gëzim të ri në aspektin e punës. Për disa prej jush, kjo mund të jetë një periudhë e mirë për të gjetur një punë të re ose për të përmirësuar kushtet aktuale të punës.

Shigjetari

Këtë javë, do të ndihesh si një fëmijë plot entuziazëm, Shigjetar! Ka një magji të veçantë në ajër për ty.

Nëse je single, kjo është një nga periudhat më të mira të vitit për të takuar dikë të veçantë. Nëse je në një lidhje, shfrytëzo këtë periudhë për të kaluar më shumë kohë cilësore me partnerin.

Lëre punën pak mënjanë, surprizo partnerin me një dhuratë ose planifiko më shumë takime romantike.

Bricjapi

Kjo javë do të të sjellë një fokus të ri tek shtëpia dhe familja, Bricjap.

Mund të kesh dëshirën për të bërë ndryshime në ambientin e shtëpisë, si të ndërrash mobiliet apo të zbukurosh një hapësirë. Po ashtu, marrëdhëniet me familjen do të jenë më të qeta dhe të harmonizuara.

Ujori

Jeta po bëhet më e gjallë dhe dinamike për ty, Ujor!

Kjo është një kohë e mirë për t’u socializuar, për të takuar miq të rinj dhe për të shijuar evente argëtuese. Nëse ke planifikuar një udhëtim, do të ndihesh plot emocione dhe gëzim.

Nëse nuk ke mundësi të udhëtosh larg, provo një eksperiencë të re në qytetin tënd.

Peshqit

Universi po të sjell mundësi për të tërhequr më shumë të ardhura këtë javë, Peshk.

Mund të marrësh një dhuratë financiare, një rritje page ose një mundësi të re për të fituar para. Mos e lër këtë energji të shkojë dëm - shfrytëzoje për të përmirësuar stabilitetin tënd financiar.