Në ditët si kjo e sotmja, gri dhe me shiun që duket sikur nuk do pushojë në asnjë moment, IQOS në bashkëpunim me Studio Dhiamandi gjeti mënyrën si t’i jepte ngjyra dhe gjallëri fundjavës. 

Pjesë e aktiviteteve, që synojnë t’u japin mundësinë miqve të IQOS, të përjetojnë eksperienca “next level”, i radhës ishte edhe takimi në punishten Dhiamandi.

Mes qelqeve shumëngjyrësh, të cilët përthyenin dritën dhe i jepnin studios së vogël dhe të ngrohtë ndjesinë e një vendi surreal, Joana Dhiamandi, artistja e përpunimit të qelqit, u tregoi nga afër pjesëtarëve të komunitetit IQOS, si idetë e tyre përkthehen në art. 

“Ju keni qenë pjesë e krijimit të këtij instalacioni që në fillim, duke përzgjedhur ngjyrat dhe detaje të tjera që do jua lë surprizë kur ta zbulojmë së bashku në hapjen e butikut të IQOS, dhe tani do të shihni si këto ide përkthehen në copëza arti”, shpjegoi Joana Dhiamandi. 

Përmes një teknike e cila përdor vetëm qelqin në forma të ndryshme të tij, Joana mjeshtërisht bashkon artin dhe novacionin në vepra unike dhe të një niveli tjetër artistik. E përzgjedhur jo pa qëllim për këtë mision, Joana ndjek të njëjtën filozofi si dhe IQOS, në krijimin e veprave të saj. Ajo eliminon djegien dhe mundohet që të jetë sa më miqësore me mjedisin.

“Teknologjia që ne përdorim e ngroh qelqin dhe na lejon të krijojmë forma nga më të ndryshmet siç janë bulëzat, të cilat janë edhe të preferuarat e mia”, vijon Joana. 

Pjesëtarë të komunitetit IQOS patën mundësinë për të lënë “shenjën” e tyre në instalacionin që do të jetë edhe pjesë e përhershme e vendtakimit më të ri me IQOS në kryeqytet.