“Duhet thjesht ta bësh tënden! Dakord?”, e këshillon maestro Shpëtim Saraçi, me atë qetësinë e tij olimpike, Elhaida Danin, gjatë procesit të bashkëpunimit për realizimin e këngës së tyre të re. Dhe ajo, si një profesioniste, tejet kërkuese ndaj vetes, përpëlitet ndër tinguj e vargje deri në sekondën e fundit, kur shfaqet nën dritat e skenës dhe merr ato për të cilat jep shpirtin çdo artist: duartrokitjet e zjarrta e të ndjera të publikut që adhuron muzikën, artin e bukur.
Në fund ata përqafohen të çliruar, të kënaqur për çfarë arritën të bëjnë, për suksesin e radhës, që këtë herë ka shkuar përtej çdo eksperience të përjetuar më parë. Sepse kënga e tyre nuk është më thjesht për një koncert, as thjesht për një klip, por për një fushatë të madhe frymëzimi, për çdokënd: se muzika është një ritëm, që nuk mund të ndalesh së ndjekuri. Ai, për t’u bërë gjithmonë e më i mirë. Dhe nëse jemi gjithmonë bashkë e nëse punojmë gjithmonë me pasion mund t’ia dalim!
Është kjo një gjuhë shumë e ndjerë komunikimi që Vodafone Albania zgjodhi këtë herë për të përcjellë përmes muzikës (krijuar enkas për këtë fushatë) të Shpëtim Saraçit dhe zërit melodioz të Elhaida Danit, mesazhin se Vodafone Giganet, rrjeti më i shpejtë e më cilësor në Shqipëri, celular dhe fiks, është kudo dhe gjithmonë me ne.
Është një këngë e bukur, motiv i ëmbël, që duke e dëgjuar do ta bëjmë lehtësisht tonën, njësoj si Elhaida që ta këndojmë kudo, bashkë me të.
