North, e bija e Kim Kardashian dhe Kanye West vazhdon të bëjë botën lëmsh. Në episodin e ri të “The Kardashians”, North vlerësoi veshjet e disa nga njerëzve të famshëm në Met Gala dhe i tregoi Kendall se Kim s’e kishte pëlqyer veshjen e saj dhe se i kishte bërë një kompliment sa për të kaluar radhën.
“Kim po më thoshte gjatë gjithë natës: “Jo, jo, është fantastike, dukesh yll. Më pëlqen shumë, e adhuroj”, tha Kendall referuar veshjes së saj. “Më pas, North dhe Penelope (vajza e Kourtney dhe Scott) ishin në dhomën time dhe pyeta: “Oh, goca, cila ishte pjesa e preferuar e mbrëmjes?”. Modelja tha se mbesat thanë se veshja e saj ishte e preferuara e tyre.
Kështu, Kendall i tha North që edhe Kim e pëlqeu veshjen e saj, por North, e cila ka ardhur në këtë botë për të testuar durimin e së ëmës, i tha se Kim e kishte gënjyer. “Ajo po gënjente, se më tha mua që s’i pëlqeu veshja jote”.
@kardashfanss She is a mini Kanye😂 #kanyewest #northwest #north #kardashians #kardashianshulu #kimkardashian #kendalljenner ♬ original sound - Kardash Fanss
“U surprizova”, tha Kendall, duke shtuar: “Gjithsesi, isha e preferuara e North dhe Penelope dhe kaq ka rëndësi. Fëmijët gjithnjë e dinë (të vërtetën)”.
Sigurisht, Kim ngeli pa fjalë…Më pas, kur mori veten, i tha North: “Duhet të kesh pak besnikëri. Kur mami thotë gjëra të këqija për njerëzit, s’mund t’ua thuash atyre. Pse i the teze Kendall që s’e pëlqeve veshjen e saj?”, duke sqaruar se thjesht pëlqeu opsionin tjetër që Kendall kishte, në të cilën ishte e gjitha e veshur me të bardha.
Pra, mësoni nga Kim! Mos shani të tjerët në sy të fëmijëve!
Artikuj të sugjeruar:
