Taylor Swift reagoi me një mesazh prekës pasi një admiruese e muzikës së saj ndërroi jetë pak orë para performancës të Taylor Swift në Rio De Janeiro.
 
“Nuk mund ta besoj që po i shkruaj këto fjalë, por me zemër të copëtuar them se humbëm një fanse para shfaqjes sime. Nuk mund t'jua shpjegoj dhimbjen që ndjej. Ka shumë pak informacion për të, përveç faktit se ishte jashtëzakonisht e bukur dhe shumë e re,” shkroi artistja në një postim në Instastory.
 
Taylor nuk dha detaje për identitetin apo rrethanat në të cilat fansja humbi jetën pak para shfaqjes në skenën e turneut “Eras” që këngëtarja po mban në Brazil.

 
“Nuk jam në gjendje të flas për këtë nga skena, sepse ndihem e pushtuar nga pikëllimi. Dua të them se tani e ndjej thellë këtë humbje dhe zemra ime është me familjen dhe miqtë e saj. Kjo është gjëja e fundit që mendoja se do të ndodhte kur vendosëm ta sjellim këtë turne në Brazil," vijon në postimin e saj Taylor Swift.
 
Artistja ka planifikuar të performojë edhe në dy shfaqje të tjera në Rio De Janeiro përpara se të shkojë në São Paulo për tre koncertet e radhës.

Burimi: Glamour