Duket se u krijua, me ose pa qëllim, një dramë mes Olta Gixharit dhe Luana Vjollcës.

E gjitha nisi në “Dancing with the stars”, ku pas kërcimit të konkurrentes Atalanta nën ritmet e këngës “Gasolina” të Daddy Yankee, Olta Gixhari u shpreh:

“Edhe për këngën do thoja, ç’është kjo ‘Gasolina’? Ne kemi këngën shumë të bukur shqiptare, benzina, benzina. Është kënga e Luana Vjollcës, shumë e bukur.”

Salla shpërtheu në të qeshura dhe më pas Olta vendosi këngën e Luanës në YouTube. Në videon e postuar në faqen e “Dancing with the stars” në Instagram, është vendosur si mbishkrim teksti: “Olta Gixhari ‘kunjë’ për Luana Vjollcën?”.

Në komente, disa njerëz shkruajnë se “nuk ishte kunjë”, ndërsa të tjerë e konsiderojnë si “tallje” me Luanën.

Po Luana si reagoi? Me stil, si gjithmonë. E njohur për natyrën e saj aspak konfliktuale, Luana, urtë e butë, postoi një video nga provat e “Love Island Albania” me këngën “Benzina” në sfond.

“E diel sonte...Kë mori malli për mua?”

Në komente, duket se njerëzit bien dakord që postimi i Luanës nuk ishte aspak rastësor.