Ditën e sotme, 26 prill, Xhensila Myrtezaj publikoi këngën e re "Ale Ale" dhe krahas atyre që e komplimentojnë sepse "ka ardhur ndryshe", një pjesë e mirë duket e irrituar me klipin dhe/ose këngën.
View this post on Instagram
Shohim pak disa prej komenteve:
- Dikush mendon se ka "dalë jashtë vetes" apo se duket "e sforcuar"
- Të tjerë mendojnë se duhet t'i kushtonte më shumë rëndësi këngës, se dukjes
Komente të tjera vijojnë si më poshtë
Në qershor të vitit të kaluar, kur Xhensila publikoi "Prit Pak" me Lumi B, reagimet ishin pak a shumë të njëjta. Atëherë, referuar komenteve të shumta në Youtube, për një pjesë të njerëzve, diçka në këngë ishte ndryshe - Xhensila.
Dikush komentonte zërin apo se sa autotune kishte kënga, dikush tjetër pamjen "më ekstravagante se ç'jemi mësuar ta shohim".
Megjithatë, kënga sot numëron mbi 10 milionë klikime, ndërsa "Ale Ale", ka mbi 16 mijë për 3 orë. Pra, ndonëse kritikohen - duket se njerëzit i dëgjojnë, shohin dhe sigurisht, vazhdojnë t'i komentojnë klipet dhe këngët e Xhensilës. Për mirë apo jo, të gjitha këto përkthehen në të ardhura.
Ka disa vite tashmë që Xhensila eksperimenton me pamjen, këngët, zhanret dhe gjithçka tjetër dhe përsëri, nuk janë të paktë njerëzit që ndoshta preferojnë imazhin e mëparshëm të saj. Por, mendoni pak sa e mërzitshme do ishte sikur çdo këngë e Xhensilës të ishte si "Çelësi i zemrës", për shembull. Mos ndoshta ka ardhur koha t'i (mirë)presim pak më butë ndryshimet, edhe nëse në fillim s'na pëlqejnë aq sa "e vjetra"?
