Nëse vini një kapuç në kokë dhe vishni pantallona sportive gjatë një udhëtimi të gjatë apo thjesht për të shëtitur qenin tuaj, me siguri që jeni një njeri i zakonshëm dhe askush nuk do t’ju dallojë mes të tjerëve.
Por, për të famshmit ekziston një tjetër formulë protagonizmi! Për ta, edhe një shëtitje e rastësishme në trotuar me qenin është një mundësi e përsosur për të treguar stilin e veshjes.
E mbani mend, Jennifer Lawrence që u bë virale në fillim të këtij viti me kombinimin elegant të veshjes ndërsa ecte në rrugë me tri qen? Po kush mund ta harrojë fotot e paparacëve që shfaqnin Emily Ratajkowski-n duke shëtitur qenin e veshur me super stil?
Tani në lojë ka hyrë edhe Kendall Jenner!
Modelja është parë në një shëtitore në Beverly Hills, e shoqëruar nga qeni i racës Doberman pinscher, i cili ka emrin Pyro. Ajo dukej jashtëzakonisht bukur për këtë shëtitje të rastësishme, e veshur me një pardesy të gjatë në nuancë gri, me rrip dhe kopsa.
Ne mendojmë që Kendall ka gjithnjë me vete formulën e super stilit, edhe pse në një shëtitje të zakonshme me qenin!
