Perandoria e saj e bukurisë është vetëm njëra anë e medaljes, pasi nga ana tjetër, Kylie është gjithmonë një “spirancë” në çështjet e tendencave të reja apo sekreteve të make up-it.
Një element që dallon në portretin e saj janë vetullat e bukura dhe me një super formë. Por, çfarë bën Kylie Jenner për të pasur vetullat perfekte?
1. Një laps për vetullat dhe pluhur sysh
Hapi i parë është shtrirja e vetullave deri në përsosmëri. Në një video tutorial para pak vitesh në Spanchat, Kylie ka treguar mënyrën si ajo niste trukimin e vetullave. Fillimisht një laps vetullash, më pas një pluhur sysh për të mbushur defektet e vetullës.
2. Shtrirja e tyre
Grimieri Ariel Tejada, njëherësh edhe miku i familjes Kardashian, ka treguar një tjetër truk që përdor sa herë merret me vetullat e Jenner. Ai përdor një furçë të vogël për të shtrirë çdo qime të “pabindur” të vetullave. Në pjesën fundore të furçës mund të vendosni pak xhel që ndihmon në fiksimin apo “ngrirjen” e tyre.
3. Krehja me furçë
Hapi i fundit, por jo më pak i rëndësishëm, është ai i krehjes së vetullave me furçën enkas për këtë gjë, duke i bërë ato të duken edhe më të bukura.
Burimi: Glam
