Xhinset me siguri që nuk dalin kurrë nga moda dhe janë gjithmonë një zgjedhje funksionale dhe e gjithanshme, por për këtë sezon, shtëpitë më të mëdha të modës kanë sjellë të tjera tendenca që do të dominojnë dukshëm gjatë sezonit vjeshtë/dimër.
Një gamë me 10 modele që çdo grua duhet të ketë në gardërobë, pasi ato do të jenë po aq në modë sa xhinset, për të mos thënë që do e lënë pas në renditje.
-Pantallona hot: Doni një look të guximshëm? Investoni në një palë pantallona të tilla.
-Pantallona me xhepa të mëdha: Nuk janë një risi, por më tepër një model që rikonfirmon modelin IN të pantallonave që do të dominojnë këtë sezon.
-Pantallona prej materiali sintetik dhe me shkëlqim: Shumë të pranishme në pasarelat e modës, sidomos në versionin oversize, këto pantallona janë ideale për gratë dhe burrat.
-Pantallonat e shkurtra Bermuda: Sigurisht që nuk janë të reja për sa i përket modeleve si tendencë sepse janë veshur edhe në pranverë dhe verë, por ky version pantallonash do të jetë dominues edhe ketë sezon. Dallimi është te materiali, lesh, lëkurë apo kamosh.
-Pantallonat me të çarë përpara: Modelet e ngushta, në ngjyrë të zezë i bëjnë gocat të duken edhe më elegante.
-Pantallona sportive: Nuk përdoren më vetëm në palestër apo gjatë një ecjeje në rrugë, por edhe për të dalë. Variantet sportive me ngjyra të ndezura dhe shirita anash bëjnë goxha kontrast në pamje.
-Pantallonat lëkurë: Ato janë një zgjedhje klasike, por kurrë nuk kanë qenë më popullore se sot. Shpesh vishen me xhaketa lëkure, bluza, jelek, xhaketa, këmisha etj.
-Pantallona me efekt metalik: Një model më i gjithanshëm nga sa mendoni. Mund t’i kombinoni me një bluzë të thjeshtë të bardhë ose pulovër me jakë V.
-Pantallonat me fund të integruar: Kjo është risia e vërtetë e sezonit që i ka rrënjët në modën e viteve 2000. Për ta bërë edhe më të lehtë kombinimin, ju mund t’i vishni me një kanotiere, pse jo!
-Pantallona elegante: Ky model ka zënë vendin e xhinseve dhe mund të vishen jo vetëm me xhaketë, por edhe me atlete dhe xhup oversize.
Burimi: Elle
