Regjisori Vladimir Prifti është ndarë nga jeta në moshën 81-vjeçare, duke lënë pas një trashëgimi të madhe në botën e kinemasë shqiptare.
Ai lindi më 1 qershor 1942 në Tiranë dhe u diplomua në universitetin “Aleksandër Moisiu”. Në vitin 1974 nisi punë si regjisor në TVSH, duke ndjekur kështu pasionin e tij për filmin. Ai dramatizoi romanin “Gjenerali i ushtrisë së vdekur” nga Ismail Kadare në vitin 1976, më pas vijoi me filma si: “Kur hidheshin themelet” dhe “Lulet e Shegës”.
Vladimiri ishte i njohur veçanërisht për filmin “Flutura në kabinën time”, (1988), i cili mbetet një prej filmave më të dashur për shqiptarët.
Ai është vlerësuar me shumë çmime, si dhe është nderuar me titullin “Mjeshtër i Madh” për prodhimtarinë e suksesshme dhe vlerat që i ka dhënë kinemasë shqiptare. Disa nga filmat e tij janë:
“Udha e shkronjave” (1978
“Era e ngrohtë e thellësive” (1982)
“Kush vdes në këmbë” (1985)
“Dhe vjen një ditë” (1987)
“Flutura në kabinën time” (1988)
“Dasma e Sakos” (1998)
“Të bekuarit” dokumentar (2000)
“Butrinti” dokumentar (2002)
“Legjenda e Baltës” dokumentar (2003)
“Skedë nga një qytetërim i hershëm”, dokumentar (2003)
“Rruga Egnatia” (2005)
“Skënderbeu” dokumentar (2012)
“Ardhur nga ëndrrat” (2017)
“Rrëfimi i një vrasësi me pagesë” (2019)
