Nëse mendoni se “grimi luleshtrydhe” ishte super gjetje për verën, bëhuni gati për një tjetër trend që Hailey Bieber e bën të duket më miqësor për vjeshtën dhe gjithë ditët e mbetura të vitit.

Ajo e zbuloi teknikën e make up-it që e quan “espresso” përmes një videoje në TikTok ku shfaq me detaje çdo hap deri në realizimin përfundimtar të këtij grimi. E gjitha ka të bëjë me përfshirjen e ngjyrave të lehta të tokës apo kafesë në portretin tuaj.

Videoja detajon çdo produkt dhe nuancë që Hailey vendos në fytyrë, nga pastrimi te aplikimi i fondatinës në nuancë bronzi, një blush të lehtë për mollëzat dhe pak ton kaf për qepallat e syve.

Një tjetër detaj për t’u mbajtur shënim? Hailey përdor dy nuanca të dallueshme për buzët: një ngjyrë karamel të hapur dhe një kafe të errët, por nuk harron edhe lapsin për konturimin e tyre.

Një përzierje kaq natyrale, për një make up të thjeshtë që Hailey Bieber thotë se gocat mund ta bëjnë çdo ditë deri në fund të vitit.