Mediat thonë se ajo darkoi e vetme në një restorant në Santa Monica në Kaliforni, por kjo nuk i pengoi paparacët që ta fiksonin stilin e Rihanna-s që konfirmoi një tendencë të re për vjeshtën. Ngjan sikur ka grumbulluar lëkurën nga të gjitha anët për ta mbajtur në trup, por që nuk ka dyshime që duket super chic dhe bukur.
Kombinimi i veshjes prej lëkure të Rihanna-s na konfirmoi edhe njëherë idenë se ju mund të vishni të njëjtin material, por duke përzier përmasat dhe ngjyrat.
Rihanna zgjodhi një xhaketë lëkure të zezë me kopsa, e cila ishte qëllimisht oversize. Ajo e kombinoi atë me një palë pantallona lëkure me prerje të drejtë në ngjyrë oxblood (e kuqe e mbyllur me tonet e kafesë dhe lejlasë), mjaft neutrale për t'u përshtatur me të zezën klasike.
Takat e larta e bën kombinimin e këngëtares të duket edhe më klasik.
Trendi i lëkurës është parë si kryefjalë e stilit edhe në pasarelat e disa prej shtëpive më të mëdha të modës.
Por, herë të tjera nëse po mendoni të zgjidhni pantallonat dhe xhaketën e preferuar të lëkurës, merrni parasysh kombinimin e Rihanna-s dhe jeni OK!
Burimi: Vogue
