Planeti po ngrohet me një ritëm katastrofik dhe është përgjegjësia e të gjithëve ne që të bëjmë pjesë tonë për të luftuar ndryshimet klimatike. Por, më shumë se ne si individë të thjeshtë të Tokës, ka persona të tjerë me fuqinë e Kim Kardashian që mund ta bëjnë reale ndihmën dhe kauzën për të cilën luftojnë.

Duket se kjo është arsyeja pse themeluesja e SKIMS, nxori linjën e re të reçipetave që po përfliten në mbarë botën pikërisht për një detaj të veçantë: thithkat artificiale që japin idenë sikur gratë nuk kanë veshur reçipeta poshtë veshjeve.

Kim tha se 10% e të ardhurave nga shitjet do të shkojnë për “One Percent for the Planet”, një organizatë ndërkombëtare mjedisore që inkurajon bizneset të dhurojnë 1% të të ardhurave vjetore për kauza globale.

Komentet në videon e Kardashian në Instagram ishin të shumta, madje disa syresh edhe me nota ironie. "Për një sekondë mendova se ishte 1 prilli, por është tetor," shkruan një komentues. "Një lloj shuplakë në fytyrë për krizën aktuale klimatike, por është në rregull..." komentoi një person tjetër.

Të tjerë persona e lavdëruan idenë dhe nismën e Kardashian për reçipetat me thithka artificiale pasi e shohin si diçka të vlefshme për gratë që i janë nënshtruar mastektomive ose po bëjnë trajtime për kancerin e gjirit.

“Jam duke luftuar me kancerin e gjirit dhe kam humbur gjoksin tim të djathtë, kështu që për mua kjo është gjeniale! Mezi pres të marr një palë të tilla,” ka shkruar një ndjekëse tjetër në faqen e Kim.

Pra, ndërsa reçipetat me thithka po diskutohen si kurrë më parë, mbase do të shohim më shumë gra që do i zgjedhin. Për hir të planetit, sigurisht!

Burimi: Vogue