Jemi pak orë përpara festës së Halloween-it dhe ylli i Kardashians sapo na hoqi pak nga kurioziteti i dekorit për shtëpinë e saj. Përmes disa fotove, 43-vjeçarja zbuloi pamjet drithëruese brenda ambientit ku jeton.
Kafka të madhësive të ndryshme, qirinj, skeletë dhe figura të ndryshme ishin tematika që Kim Kardashian ka zgjedhur për festën e këtij viti, foto të cilat i shpërndau në Instagram.
Kim filloi turin e shtëpisë duke treguar hyrjen, e cila shfaqte dy pemë kafkash plot me trupa dhe fytyra të ndryshme skeletore.
Në një tjetër ambient, u shfaq dera e zbukuruar me dhjetëra kafka, të buzëqeshura dhe të pozicionuara në shenjë mirëseardhjeje për këdo që futet në shtëpi.
Nëna e katër fëmijëve shpërndau dhe një tjetër kënd të shtëpisë, më saktë korridoret e gjata me ndriçim të ulët dhe të zbukuruara me statuja të bardha. Qirinj të shumtë dukeshin të rreshtuar në korridor përkrah statujave, ndërsa copat e rrobave të bardha dhe të grisura vareshin nga tavani nëpër mure.
