Kim Kardashian ka vendosur një rregull të ri, pas ndarjes së saj me Pete Davidson në vitin 2022. Rregulli përkon me një limit të ri moshe dhe tanimë, që ta dini, Kim nuk del me burra nën 40 vjeç.
Në episodin e ri të “The Kardashians”, Kim gjendej në Londër me djalin e saj, Saint West, shokët e tij dhe nënat e tyre, për të parë një ndeshje futbolli dhe kur të gjitha mamatë u bënë bashkë për të takuar ca futbollistë të lezetshëm, ato e ngacmuan Kim, por ylli 42-vjeçar u tha: “Vajza, kam një limit moshe. Duhet të jetë më i pjekur. Diku rreth të 40-ave”.
Mikeshat e saj u çuditën paksa nga deklarata e saj dhe Kim shpjegoi: “Kur ti je single dhe të gjithë miqtë e tu janë të martuar, duket sikur je e dëshpëruar dhe të gjithë njerëzit duan të të lidhin me dikë. Unë jam shumë ok me të qenit vetëm dhe person ii duhur do të vijë drejt meje”.
Ky rregull i ri vjen pasi Kim ka qenë e lidhur për 9 muaj me komedianin 29-vjeçar, Pete Davidson. Ata u ndanë në mënyrë miqësore dhe ruajnë raporte të mira. Të dy u ritakuan për një bisedë në eventin e Met Gala-së.
Që prej asaj kohe, ka pasur thashetheme se Kim është në një marrëdhënie me Tom Brady, 46 vjeç, por edhe me Odell Beckham Jr., 30 vjeç, megjithatë nuk është konfirmuar asnjë prej këtyre zërave.
Një burim u shpreh muajin e kaluar se Kim nuk po del me asnjë për seriozisht, por është e hapur që të gjejë sërish dashurinë dhe personin e duhur. “Tani, fokusi i saj primar janë fëmijët dhe siprmarrjet e saj”.
Sa i përket Pete, edhe ai ka vijuar jetën e tij dhe përflitet se po del me Madelyn Cline.
Artikuj të sugjeruar:
