Ndërsa disa njerëz flenë me makeup dhe përtojnë të ndjekin një rutinë specifike për kujdesin ndaj lëkurës, disa të tjerë kanë një rutinë prej 12 hapash. Jo se duam të përgjithësojmë, por sipas astrologes Stina Garbis, këto janë 3 shenjat që jo vetëm që kanë një super rutinë, por mund të të japin edhe këshilla.
Dashi
Dashi nuk duron dot ta shohë bosh vendin ku mban produktet e kujdesit të lëkurës, madje, kur ka diçka të re në raftin e dyqaneve që shesin këto produkte, e provon direkt. Sipas Garbis, kur vjen puna te produktet e kujdesit të lëkurës, Dashi është një shenjë që blen në mënyrë impulsive, pasi kontrollon me detaje të gjithë përbërësit dhe efektet e tyre.
Virgjëresha
Edhe nëse ka kaluar një ditë të stërgjatë dhe të lodhshme, asgjë s’e ndal Virgjëreshën që të bëjë rutinën e kujdesit të lëkurës. S’ka rëndësi sa e lodhur është Virgjëresha, s’e zë dot gjumi pa larë dhe eksfoliuar fytyrën.
Sipas astrologes, Virgjëresha është e fiksuar me një lëkurë perfekte dhe nëse sheh një person që i shkëlqen lëkura, me siguri, është një Virgjëreshë.
Peshorja
Peshorja lë kokën për produktet për kujdesin e lëkurës. Ajo do të ketë produktet e fundit, më të mirat dhe më të shtrenjta dhe nuk i kursen fare paratë për t’i blerë ato. Gjithashtu, Peshorja ka fiksim edhe maskat dhe trajtimet e bukurisë. Nëse lëkura është e lumtur, edhe Peshorja është super e përmbushur.
